哈~我咁問係咪有d 奇怪? 
我本人真係好怕
因為過年前後通常雪櫃都好full
但送既蘿蔔糕通常都係圓形一大底咁
甚至A 又送一底黎B 又送一底黎
搞到未過年已經要日日食蘿蔔糕
另外就係口味
你買X心俾我又係心意
你自己整又係心意
我係無得拒收
但係唔代表你人手整就一定係我覺得好食架嘛
話說奶奶年年都自己整
但聲稱因為遷就佢屋企有人唔可以食咁鹹
蘿蔔糕配料少亦好淡味
試過一年新年前後分別送左三底佢既自家製蘿蔔糕黎
真係食到驚左
好彩之後變番一年一底
3個讚
以前屋企又有銀行禮券, 家人公司客戶,親戚朋友都會送糕,
收埋收埋可以有6,7底唔同嘅糕, 親戚整嘅仲要係盆菜盆咁大嘅size(當然只係俾1/4咁大左右)
多起上來家母都會好頭痕, 親戚朋友來拜年一定會煎一兩碟俾佢地一路食一路傾計
不過過左完年假, 全家人都仲要帶幾日糕做lunch先食得哂
我地好中意食, 都冇咩唔滿意。親戚朋友們都整左好多年, 個味道係唔錯嘅, 不過每個人整嘅糕好大分別, 好似蘿蔔糕咁, 有人竟然係落多糖, 整體係甜多過咸, 有啲人就會蒸得好削
每年煎糕都好似最審評會咁, 幾開心嘅
而我地自己蒸糕主要係想整返自己想食嘅味(阿媽中意臘肉多蝦米同瑤柱), 都唔會整太多, 都唔會隨便送俾人, 因為知道人地收到可能都食唔哂。
1個讚
好味有料嘅蘿蔔糕都還可以。
最唔鍾意收芋頭糕，年糕 同 無料嘅蘿蔔糕。
如果收到多數會問鄰居要唔要。
1個讚
所有中西式賀年食品超級驚
3個讚
我媽好多fd，我會俾哂佢然後佢會轉送俾其他人。
1個讚
但我好憎好多蘿蔔既蘿蔔糕 
我鐘意多粉
蘿蔔糕冇咩問題 灼個菜就可以當正餐食
我一個人兩三日食完一底
芋頭糕都可以 但太易飽
都係甜糕大鑊啲
又甜又漏 一餐兩三件已經好盡 一年一底夠啦
2個讚
唔會，我好鐘意食，咩糕都啱
反而好怕收月餅
2個讚
我哋屋企唔怕，
有家庭成員好中意食蘿蔔糕，
芋頭糕。
年糕，馬蹄糕果啲無咩人食。
會放到倒。
我哋屋企都係，
除左我爸爸中意食甜之外，
無人中意。
佢最多食少少。
1個讚
好怕人地自己整個啲🫠
可能係整得唔好？
好多水，好難煎，成pat野🫠
年年都有啲禮券
蘿蔔糕還可以當早餐，總會食得哂
但年糕好甜，一年食2片好夠了🥹
2個讚
好恨收糕，可能親戚唔多又唔興送糕
細個時有個親戚每年都整一大底成張枱咁大嘅年糕，成班細路食得好開心
1個讚
好食嘅嘢唔怕收，但早少少講，咁我自己唔會買，難食嘅，和連鎖快餐店餅店出嘅都唔想要，唔單止係黃藍嘅問題，而係真係難食。
2個讚
試過有一年收到 13 底 糕，
雪櫃真係無位放，
即刻打電話，送咗幾底比朋友，
咸糕都還好，甜糕真係怕食得多會（糖尿病），
低鹽 我比較接受多啲，起碼自己覺得唔夠味，
可以點辣椒豉油／XO醬，過鹹對身體唔好。
1個讚
蘿蔔糕還好， 如果係年糕雪到硬曬好難處理
每年都係食阿媽既糕糕
通常其他人送既多數比朋友
只要有碳水化合物就對糖尿病有影響，唔關咸定甜事
無一間/無一個人可以整到我阿媽整既蘿蔔糕味，超多胡椒粉，勁正。依家佢懶整，我整又要就99一家口味
2個讚
甜糕升血糖－定高過咸糕好多。
我以前後生唔中意食，依家好渴望有人送 
1個讚
以前好怕，因為會塞爆雪櫃，又食唔晒。移民後就好想有人送，不過家人唔係呢邊，要食唯有自己整
1個讚