逆轉人生 可以由好變壞, 由壞變好
你見過乜野事例?
me first
1, 會考1分, 去澳洲讀foundation, 愈讀愈起勁, 變左專科醫生, 長居當地行醫
2, 又係會考衰咗, 去台灣讀醫, 變咗醫美醫生, 都係長居當地, 生活好富態
3, 飛機師被疫情影響, 無工開, 轉行賣保險
5個讚
唔知算唔算由好變壞,有2個分別70後同80後既朋友,一個重讀幾年先入到大學之後入左HSBC做,一個讀到中7入左國泰做地勤,佢2個都覺得自己份工好巴閉,成日串我地既工作cheap,又串我地讀到中五無前途 
其實我唔覺得佢地份工有幾筍,佢地公司成日炒人又唔係特別高人工
1個讚
哈~~~
咁臭串, 佢宜家仲有無工開?
1個讚
國泰果個係正宗擦鞋仔屎x鬼,佢無俾人炒呀,之前仲話自己升左職,不過唔知有無倒減人工 
佢老婆都係國泰地勤,份人又係陰陰濕濕咁,唔知有無俾人炒 
可能2個活1個
我人工 03 到 23 升咗 8 倍，啱唔啱你topic?
5個讚
可能自知自己資質 覺得成為地勤已經到達人生巔峰呢 
聽聞CX對在職員工都好harsh, 要佢地簽份新contract取代舊contract, 好多benefit無咗
1個讚
大家一齊吹吹水, 無話啱唔啱 
不過我覺得自己所認識果幾位真係幾dramatic
如果繼續留向香港揸住會考一分 條路應該都幾難行 好多嘢根本無得試就已經篩走咗你
回返你, 20年升到8倍都厲害, 八卦一下係一直做同一行?
2個讚
都有同學同你啲例子差唔多。
有個男仔中學係香港讀，唔鐘意讀書，去到外國突然開竅讀得好叻，最尾讀到做埋外國top university 大學教授。仲要佢女朋友都係外國大學讀書都勁，為咗移民讀完去做china town藍領工，佢捱到可以攞pr同男朋友做左大學教育就結婚。
都算兩個不同逆轉case? haha
2個讚
我想八下宜家地勤頂薪係幾多? 
佢早排先係fb曬命話cx送酒店俾佢住,佢久唔久就係fb"多謝"公司對佢點好 佢份人唔衰得又欺善怕惡,可能係做俾上司睇
1個讚
唔知有無2萬呢
我有另一個fd以前係港龍做地勤,佢話得1萬幾人工
1個讚
下? 講到自己咁巴閉三皮都無?
我諗好多行業做十年八年左右都有兩萬以上啦
又唔係空姐空少
自high乜野
2個讚
我呢 d 半專業 grade 嚟，fresh grad 咗唔係太耐去到 03 年 SARS 呢個行業死咗，近乎無晒人做嘢，所以轉咗去做社福機構做咗一年 PA, 當年我希望自己可以減 1 蚊人工收返 250 蚊 MPF 供款，可惜機制上係做唔到，不過可幸的是當年機構有12蚊飯提供俾服務使用者，員工好多時都可以執雞用 12蚊嚟食飯
一年後我人工都已經升返70%，而呢一行在大約 2007 年起恢復返，甚至係帶動香港經濟最底層果 d 行業，我諗你都估到咩行業嚟啦，然後嚟到現在一直都係做返呢一行，不過有老一輩的師傅話呢一行每 20 年就會逆轉一次，即係可能 2027 就會變返無咁高人工了，我諗係時候諗定有咩 parttime 啱我做
1個讚
佢覺得成班fd佢份工最"高級",所以好high
又咁岩有個女仔fd一直好想做空姐都做唔到,佢咪又自high笑下人囉 
其實我唔明佢點解會覺得自己份工high過公務員/賣金賣鑽石既朋友
1個讚
我…估唔到呀 
有無多dd提示
我果行如果無人做嘢，你哋會開始慢慢發覺生活唔到
1個讚
我都識一個響外國捱到 PhD，點知返咗內地做大學教授，仲結婚生仔，一 d 都唔圓滿，現在諗緊離開中國
2個讚
自己經歷，時也命也，起落皆同。
離家出走後，住劏房做外賣仔，連滾帶爬到十大富豪董事會中所謂既高層。
跟住金融海嘯，才三十出頭，血氣方剛。不接受減薪，不歡而散。
高位無空缺，中位唔敢請我，失業超過一年。
太太身體唔好，唔能夠工作。
為應付家庭開支，遂到碼頭做咕喱拆櫃。
期間趁工時無以前咁長，一嘗心願由業餘轉去職業比賽，成為職業運動員。
滿心歡喜以為能夠以興趣為事業，突然發生交通意外。
運動員生涯就咁完左，行唔到路，花左三年時間來回復正常人生活。
對方保險，加埋只賠左十零萬。
要用盡層樓既循環貸款才應付到生活。
復健需時，做唔返體力工作。
搵到間 mnc既業務員，重新學起。
過了幾年，代表公司到外國總行述職。酒席間竟撞返以前其中一個老闆，被邀回去做分公司 gm，家庭財政先無返壓力。
19年後要離港，雖然有歐洲分公司的 open offer，但以前工作及運動佔了太多時間，現在該好好陪伴家人，所以提早退休了。
20個讚
唔知算唔算逆轉，我以前band 1中學老師校長都幾勢利，有d 同學讀得好叻特別錫，有d讀得不過不失。但畢業2x年望番現況發現讀得叻唔叻同賺唔賺到錢/幸唔幸福，都冇乜必然關係。
Construction ?