片段可見,該輛九巴由粉嶺開往皇后山,駛至沙頭角公路龍躍頭段逸峯對開巴士站時,車上座位已坐滿人,下層車頭亦有多名乘客站著,但車尾企位相當鬆動,有足夠空間讓更多人上車。然而,車頭乘客未有移步至車尾,以致巴士站大批候車市民無法上車,眾人相當鼓躁,其中一名中年婦人疑感不滿,走出馬路中線,以身攔車,阻止巴士駛離。
有網民將情況分享至Facebook「皇后山之友」,呼籲九巴於管理方面作出改善,「78A巴士密度問心係足夠嘅,但管理方便應該可以有好大空間改進」,認為應訓練司機嚴守守則,指示乘客何處有空間,直指現時部份車長懶理乘客。乘客亦應發揮香港人精神,主動讓出空位供他人上車,「我亦好明白車程好短,企一陣就到,到站後都係快咗兩分鐘落車,係唔係可以企到最入,比其他乘客可以上到車呢?若下一次企喺站外嘅係自己又如何呢?如須要中途落車都冇問題嘅,一開聲,全車人要等你」。
事件引起網民熱議,不少聲音均表示諒解中年婦人的行為,「個客做得啱,後面咁多位都唔行入去,如果係我都會咁做,成班自私精」。有網民為該名巴士車長抱不平,指自己認識車長,「巴士司機已經係前一個站叫啲人行入啲,咁啲人唔行入去,究竟係司機責任定係乘客責任?」。有街坊身同感受,「我哋試過逸峰連續三架車都唔停站,唔知點解啲人可以咁自私,將心比己,自己上唔到車嘅時候會點樣呢?」。
1個讚
唔明點解咁鐘意塞喺個落車位,又唔係快落車。
以前放工都試過迫唔到上車,根本後面仲好Q 多位上,真係會好憫!
3個讚
站長其實可以唔開車,直到啲人行入去
好憎啲人企喺門口唔行入啲,明明可以上多啲人,寒冬等車呀大佬
4個讚
該輛九巴由粉嶺開往皇后山…
因為係去皇后山,新XG人,所以我感覺件事好合理,都係狗咬狗
2個讚
以前如果見到呢啲人攔路會屌9佢地,但今次反而理解女人行為,只可以講唔少香港人自私又慌死蝕底咁,嗰班唔係行入啲嘅西客今次真係自作自受
1個讚
平時車長叫啲西客行入啲佢地懶理,個女人就對西客當頭棒喝
2個讚
同埋香港搭lift都有好多人唔識乜叫priority,冇行李行得走得又後生,都學人地一齊排lift。日本玩果陣我推住BB車,日本人一定會比我先入lift。呢個即係所謂“民度”的差別。
Corgi
17
香港人其實一樣好自私自利
以前係觀塘返工一樣唔肯企入車廂係要霸位
1個讚
我今日坐地鐵都遇到,有位女士塞住響柱位,後面好多人迫緊入車廂但佢企硬唔旭。我講咗兩次唔該佢都唔肯行又唔肯讓開,最後我「撞開」左佢,然後後面兩三個人就跟住一路行入。
2個讚
之前睇過四句成語形容班地鐵乘客, 係「立地成佛」一入咗車箱,就企係度,都唔喐,唔識得行入D,俾其他未上車嘅人上車。
1個讚