考慮緊，掉唔掉左部吸塵機。我覺得帶埋去無問題的。
但如果吸地毯就煩，因為一般吸塵機吸塵頭會吸住地毯住動不了。
請分享下。先謝謝。
應該得，用平頭（大、橫個個頭）。
不過如果去英國而又負擔到，買洗地毯機啦。
英國好似出左隻新款正嘢，我都研究緊。
如果你部吸塵機無吸力調校 同 個吸頭唔可以收起擦毛 就無謂帶去。
洗地毯機 唔係地毯吸塵咁簡單，部機會以高壓噴出霧化清潔劑去地毯度，再吸走塵+ 清潔劑。
可以睇karcher D 洗地毯機，應該仲係德國製
普通吸塵機有用呀，平時都係用普通吸塵機。
之後每兩個月先用洗地毯機一次，因用洗地毯機花時間又倦好多。
每兩個月一次？
但洗完唔係即乾，快乾都要成晚。未乾時點算？
同埋洗得多會甩，一般半年一次好了
我入伙前洗過
部機有埋烤乾功能，洗完已乾左九成，大半個鐘後已乾晒。
因為每兩個月到會招呼細路班同學來玩，佢地會係地下又玩又食，所以來之前清一次，走左又再清多次。
纖維地毯好硬淨下，清潔時唔係好覺甩。
反而我隻貓會抓爛個地毯，哈。
我覺得同地毯長短毛有關
乾完申隻手指入去毛毯底重係濕濕地
都係上 amazon 睇評語決定買邊部, 英國 amazon既評語還算可靠, 無咩做假.
要吸力夠至得，landlord留咗部吸塵機比我地但吸唔到地氈，結果趁black Fri 買左部舊model dyson, 一吸先發覺個地氈勁多塵好污糟
1個讚
有洗地毯機都要吸塵的
1個讚
咩新款正嘢？
一般吸塵機可以 前題要有個旋轉刷頭
一路打起啲塵 一路吸先掂
另外我都有karcher洗地毯機 但實在大工程 可能幾個月一次
*我張係客廳波斯地毯
我用 Dyson 吸地氈，吸得好乾淨。洗地氈我用 Vax, 有洗同乾功能，洗完地氈已乾 9 成，唔駛等地氈乾，好方便。
2個讚
可否share你個vac係邊個型號？
Vax Platinum Smartwash Carpet Cleaner | Kills Over 99 Percent of Bacteria | Motion Sense Technology – CDCW-SWXS, Charcoal/Blue, 3.5 Litre, 1200W https://amzn.eu/d/dMtDnzK
向前推出水洗地氈，向後拉吸水乾地氈，洗得好乾淨
1個讚
Thanks 
吸塵機和洗地毯機係兩樣野，吸塵機平時用，最重要吸頭髮，頭髮好難吸，我响超市買左個無線，唔夠力，吸唔到，之後買咗個有線就吸到，而洗地毯係用水和清潔劑洗，通常幾個月用1次
1個讚
除咗大家大推嘅Karcher，
Vax Platinum Smartwash Carpet Cleaner都好似ok。唯一垢病嘅係好易壞，所以行貨/有保養好重要。
未買我覺得唔駛急，多一兩代應該再有技術突破。
1個讚
如果你本身一個櫃有位帶埋既不防帶左先
最多唔好用就掉
如果帶要計埋有冇空間就要考慮下
- 有線嘅唔好帶, 間屋大左用無線方線方便好多
- 冇線又用左好幾年又冇得換電嘅唔好帶, 因為間屋大左唔夠電吸好唔方便
請問你用左幾耐？易壞嗎？
有咩評價？
我都係睇緊呢部洗地氈機，想ship去澳洲，但又怕佢唔襟用要維修。謝謝你！