但我識個有錢嘅就係過呢邊自己都有買樓，但成日都要做大爺要個仔同媳婦陪，做乜做物，星期六日要帶佢周圍去玩，辛苦死啲後生
唔好話老人家，好多中年人都唔慣，為仔女未來死頂。捱得過就海闊天空，有d 頂唔順，有人指住個細路嚟鬧「唔係你我使鬼嚟呢到」
2個讚
老人家世界圍住自己轉，諗起都煩同大壓力，如果同住問題更加多，好傷感情。
咁個啲起碼唔使仔女比錢，有購物自由
否則乜野自由都冇哂，真係會抑鬱。好快瓜
老人如細路
我係個細路我會諗「唔係你生我出嚟我都唔駛係度」，大人自己嘅選擇點解要怪個細路
我個case係特登住同屋苑，除咗瞓覺基本上都痴住，仲要個老爺好大牌，以前做生意
另一個，奶奶話個新抱煮得少，四大一小已經四個,餸，真痴線
香港同英國好唔同，移民後家人照顧會多啲，但老人家唔會適應，痴住後生，工人又冇，娛樂又冇，英文又唔識，分分鐘仲要餐餐煮比佢哋食
天倫之樂唔係唔好，但要諗清楚承受能力，尤其是啲男人，煮又唔係佢，個老婆做開女強人過到嚟湊老湊細，佢又一定唔上身，淨係返工，個老婆好慘
個細路都好慘，出世冇得揀，移民仲被老豆老母怪
好無辜
移民 大人小朋友都要適應。
移民 我同小朋友講我只可帶佢嚟，希望佢弟時可以有選擇，但係以後嘅路佢都係要靠自己。
1個讚
大家都要珍惜移民呢個機會，係好難頂㗎有時，例如諗起香港，但為自由要付出
老中青都要少啲怨言，唔好你怪我我怪你，互相support適應。但有時一唔體諒就出事
我兩公婆夠晒自由，已經冇話好大壓力，家務hea住做，但之前我都情緒差，睇唔開，日日煮又煩。同老公傾每星期出去食餐好嘅，飲下咖啡，high tea，中餐乜都好
其實要
出去食個環境又輕鬆d.
唔使煮同執
1個讚
係要出去鬆下，我日日去超市，買煮洗會發癲，我更加冇力氣間間行格價
有時hea cafe飲幾磅咖啡坐三個鐘，反正英國人一定唔介意
好正確呀，父母就只能做到咁，以後點就靠佢哋
我阿媽以前都講過類似嘢，錢就冇比我哋，但佢話唔使我哋做家務，我去到廿歲一隻杯都未洗過，我可以一食完飯專心做功課溫書，我都感激佢
我多數食 lunch 或者 tea, 因為平d. 揾間靚啲餐廳或者 farm cafe, 一家四口£5x, £6x
食完飽到夜晚唔使點食
咁個細路都唔會太大落差。係香港成日去食壽司茶樓，來到 uk 就日日三餐食屋企嘢
2個讚
Ok丫，間唔中一餐，一家四口英國嚟講唔算貴
我自己食大約£8一餐，最貴£12
兩公婆去cafe就平啲，中餐呀西餐就貴啲
食乜唔重要，我係想抖下咋
1個讚
我真係一星期煮足13餐出去食lunch多， 今日食喇沙兩碗£21
1個讚
我早餐多士算，lunch就三文治／麵，夜晚先認真少少煮
係。所以食 lunch / tea
春夏秋時一個月兩三次，風景又靚
1個讚
夏天我哋會買件三文治去公園食，影完啲相啲fds羨慕不已，話：頂有天鵝陪食
有時我講笑同老公講：我哋錢唔多，不過都唔好咁慳呀，要努力死前洗晒佢，比親戚就唔扺
但老人家好少欣賞呢啲，佢地會話生冷嘢