隔離廿一日返唔切嚟都唔出奇，我覺得出席白事亦唔係100%需要
1個讚
識人接埋阿媽過左黎兩個月，老人家唔鍾意英國，天氣凍仲病埋，發晒脾氣一定要返香港，寧願自己一個。
其實大部分老人家都會係咁，所以千祈唔好氹佢哋賣樓住，一定要過嚟旅行過下個冬天先
1個讚
我未移民前，父母都已經係獨居
一個有一堆親戚拍心口話會幫我陪佢
另一個生活比我更精彩，約佢食飯都要夾日子
雖然不捨，但佢地都好支持我地
我媽話屋企俾唔到咩實際支持我（意思金錢上），所以佢會好好照顧自己，唔使我擔心，就係對我最大的支持（我聽完真係喊左出嚟）
7個讚
你父母好好…佢都好明大家點解要走
5x, 60頭重可能適應到
7x, 80就唔好了。而且呢邊冬天冬，呢兩星期暖好多，但老人家應該都要開 heat.
淨係落街又未必敢，日日困住又係辛苦
之前睇過呢條片，呢位uncle又係好勇敢
https://www.youtube.com/watch?v=bnTAMgJaBzk
1個讚
睇到呢句個心好up…唉…
親戚咁supportive真係好好！
有時d多嘴親戚衰起上黎，日日問老人家做乜掉低你係香港都好麻煩呀
我現時同兩老都係分開住，計劃就係過多排會回流澳洲
我問過佢地遲下我走的話，佢地會唔會都想過去
萬幸兩老年紀唔算係好大，係疫前都成日自己去旅行
而且去過澳洲幾次，都鐘意呢個地方
我媽話只要個居住既地方係舒服，一家人一齊去邊都無乜所謂，果下都有d感動既
反而老爺奶奶就難D，我老公幾兄弟都會移民
但係大家既destination都唔同，要走就只能跟另一個兄弟去英國
但係佢地年紀大又唔識英文
而且最重要係，老爺都幾抗拒移民呢個concept
而家老爺有d咩事都打比我老公先，我都唔知到時會點
不過難聽d講句，老公既父母都係交返比老公各下自理啦
佢識自己講英文買餸同身體健康嘛
香港好多 7x 80 聽唔到英文又腳痛呢到痛個到痛
好多老人冇預來到後原來後生要返工，自己溝通唔到都要獨立生活。煮煮下飯個爐有事都冇人幫，或者冇食材醬油又要等後生放假得閒先去買。病要買葯都唔識行去藥房又唔識講
冇話勇唔勇敢，有時係實際需要，有時係落差太大
佢係個video都話只係學過12堂英文
證明佢本身都係好願意學習 開通 同好支持個女先做得到
去英國到肯試肯講肯學 又好彩識到街坊 有間茶記比佢落腳打"done"
不過另一樣就係頭一年佢個女都陪佢周圍去玩 佢應該會容易適應好多
老人家移民真係唔係咁簡單
話晒都離開一個生活左七十幾年既comfort zone
真係無得逼 逼黎大家唔開心就無意思
呢樣最緊要
我冇睇晒，佢女似單生冇細路，多時間陪老豆。
好多人落地搞完屋同細路已經要即刻返工
可能個老豆都係擔心個女先跟去睇下，之後放心會返香港
有個9歲既女 女婿都移左 香港公司比佢老公係英國remote working
佢老豆話最初係渡日如年 九個月後係渡年如日
移民真係最緊要心境…如果唔係真係會好通苦
唉 真係好多呢d故事
remote work 都好，可以係屋企睇住
同埋男人應該好啲，冇咁多要求同獨立啲
最緊要鍾意，後生同老都唔好夾硬嚟。否則更加擔心
老人家淨係以為享清福，其實仔女份糧都唔係香港嗰份，又冇工人，邊得閒同佢走嚟走去陪佢
3個讚
呢個都係原因。份糧根本唔夠三日唔埋兩日去中超又藥材又乾貨又濕貨咁買
識個香港人呻每星期比£200佢媽買餸 (兩個人) 水電煤家品另計，佢媽都話唔夠錢使。呢啲又係煩
老人家可能已經覺得自己好慳
中超太貴了，點會仲係咁煲湯用藥材丫
難聽啲講：移民要捱，老人家就唔會咁諗，講比人知跟仔女去外國好威
冬天係咁開暖爐都頭痕啦
點解啲人唔諗清楚下：後生賣樓幾百萬，但要full pay買層樓，又要養細路，仲有幾十年要諗
老人家賣樓幾百萬得十幾廿年，跟你住，點會同你慳
兩個concepts都唔同
大家慳嘅 concept唔同。
老人家已經冇得成日飲茶見 friends, 又唔識自己去街揾人傾計，每日唔煮飯煲湯有乜做？
有錢老人帶埋錢來會好啲
我講話呻仔比唔夠錢使個媽係 full pay買左間屋比個仔的。如果真係靠晒個仔，可能唔敢出聲