著名堪輿學家蘇民峰被喻為「星級風水師」，其私人教授風水的天價學費曝光，原來他私授班分三級制收費，最高學費每人300萬元，究竟至今有無人付天價報讀？星島記者就此向蘇民峰查詢。
蘇民峰自2011年已停止公開開班教授風水，只餘下私人教授，最近有網民發現，蘇民峰官網有標價私人教風水的收費，天價學費標價分3級制，惹來網民熱烈關注及討論。
蘇民峰在官網自言「零五年逐漸退隱，雲遊四海，埋首寫作，望能將一生所學，留傳後世…」
官網資料顯示，就算願付學費，仍要看緣份，報讀者須先付訂金20萬元，再留下本人八字、掌面相影印本，「有天份有緣者再商談上課時間，無緣份者訂金全數退還。」
蘇民峰秘書:蘇生表示，就你哋嘅報導佢無嘢回應，因為現階段佢都暫停咗收生，不過佢嗰到(指官網仍招募私人教授)都係睇吓有無有緣嘅學生，所以佢無嘢回應。
記者:2011年蘇生無再公開授課(蘇民峰秘書:係呀)，佢之後有無再收過學生?
蘇民峰秘書:無!
記者:有無人報名apply(報名)?
記者:我見要報名私人教授都要交八字?睇吓有無緣?
蘇民峰秘書:係呀，佢哋要先交八字過嚟。
蘇民峰秘書:可能有人apply(報名)，但係佢哋都夾唔到蘇生啲期,其實好多都夾唔到蘇生啲期。
記者:有無啲學生已夾到八字，但係就唔到時間…
蘇民峰秘書:對唔住，我哋唔回應呢個訪問。
蘇民峰在其官網，由1986年起開始開班教授風水，直至2011年停止，他詳細自述這25年來的教學苦與樂。他在官網亦分享了4段當時上課的片段，公開了蘇民峰的教學情況。
