到我請教下， 妳收new build 前其實有咩做， 我就黎收啦
通知律師
睇傢私
搵snagging
搵定人換鎖？ 搵handy man?
裝窗簾
其實係律師通知我地邊日可以收樓，所以我地律師果邊就唔駛通知
我地搬之前冇睇傢俬呀，全部搬晒租屋果時買嘅傢俬過去，住落再添置多少少咁
如果要搵snagging, 預早啲搵就好啲，我果時搵果個個期好full, 約唔到收樓之後果幾日做，要等兩星期
我地一開始冇換到鎖，因為想等佢地換咗門先，換門之後諗住自己買鎖試下自己換，不過…仲未做
窗簾我就咁買伸縮果啲窗簾棍咋，貪佢方便又唔駛鑽牆
另外諗起仲有：
要預約sales時間攞鎖匙，因為佢要預1個鐘度做個新屋簡介，講解吓啲電器點用，有咩要注意咁，同對水電煤錶
搵定搬屋公司
睇定啲家居保險
上council網睇吓點樣買垃圾桶
上council睇吓點樣登記council tax
如果想花園整個shed又可以睇定先
暫時諗到咁多咋，希望幫到你啦～
裝燈，門鈴，防盜
麻煩晒
請問家具保險係買收樓果日開始嗎？
係喎！ 裝燈完全醒吾起。
水， 電本身new build已有， 係咪收屋果日對左， 就隨時可以轉第二間。 Wi-Fi就睇下果度邊間收得最好就登記邊間？
想問下有冇相參巧下？如果窗兩邊牆好闊咪用唔倒伸縮棍？同埋現成窗簾嘅長度會唔會好難就
唔會，買呢啲棍，可以唔駛鑽
不過太重就鑽牆安全啲
多謝介紹， 之前都無見過
如果用這款窗簾就只剛好fit個窗， 好多時E度d窗簾拉到成幅牆
因為你用伸縮棍都係一樣會漏光，如果想唔漏光，就要鑽牆，幅窗簾要大過隻窗30cm 左右會好啲
請問你地new build 浴缸的水龍頭是否沒有花灑，如果要裝花灑就要upgrade,其實浴缸沒有花灑頭問題大嗎，因為其實都好少在浴缸那邊沖涼，如果想加外置花灑難嗎謝謝各位的意見
整埋唔駛煩
本身有跟埋花灑.
因為浴缸龍頭在浴缸裡的開口位接駁水喉, 所以無得就咁加花灑.
要係牆身開兩個孔裝新出水位比花灑用, 再係下邊界開牆腳位, 拎返新果兩條喉駁落原本浴缸底既出水喉位.
唔算好複雜, 不過都唔係 DIY 新手應付到.
真係想要的話, 建議趁未入住加錢整左先.
2個讚
多謝你的意見，如要牆身開兩個孔，和界開牆腳位置，即都有改動，唔知會唔會影響new build個warranty？
係，自己改會無左浴室既頭兩年保養。
老實，第一次見 new build 得龍頭無跟埋花灑，要加錢先有。
可能建築成本比投標時高左好多，所以縮得就縮。
如果發展商肯幫你upgrade應該warranty無影響， 但如果妳自己搵private contractor， 我個發展商就吾包warranty個bathroom
1個讚
明白