因各發展商外判既 trader手工參差，new build snag 一直係存在既問題。
但對於我地哩類新移民，買 new build係最快最方便，只能見招拆招吧。
原來係企缸，企缸無得調較來就浴門，一裝衰左事後好難翻手整返的。事實都係咁，所以個水喉匠先建議拆晒重新安。佢係合理架，而且浴/企缸拆舊換新係常見小工程，唔使擔心。
至於大門，如果當初裂的情況唔會滲水或影響堅固度，我唔會拆左佢換過，會修補返就算。
因大門唔同房門，要堅固安全唔入水，手工要求高好多。仲要有泥水做，裝實係磚牆身。
佢裝完無做返泥水修補，所以先見到牆𠝹爛晒咁。因係外觀唔係緊急問題，要預發展商會不了了之。
門口有條 gap，睇下鄰居門口，係咪都有條擋水條，正常會有，裝完門唔記得裝埋哩個？
你間屋既 snag唔算嚴重，全部都有得救，係要花心力時間追發展商。但唔好比咁大壓力自己，放鬆放鬆。
好多謝你係咁安慰我，因為要處理呢啲snag，攪到個人好繃緊好有壓力，自己對呢啲嘢一竅不通，啲師傅上嚟整嘢，整完出嚟整到仲衰過之前，咁我老公返嚟就會話我仲咩唔睇住佢地整，本身我仲要湊緊個歲幾嘅仔，我點成程棟個人喺度睇住個師傅呀，人地見你全程睇實佢都好怪啦，所以我開始好唔想處理呢啲snag
多謝你比咗咁多建議我，我都好後悔俾佢地換大門，換完完全衰過之前十倍，不過事已至此，唯有盡量叫佢地執返好啲，唔漏水唔漏風就得架啦，gap果度，上次嚟果個mastik師傅就話要攝返條嘢就得，應該就係你講嘅擋水條啦，但佢話佢冇呢啲材料整唔到，我話咗俾cs知，但佢仲未安排人嚟整
我諗達達聲果度我都係唔攪咁多嘢啦，怕咗佢地，驚到時整到一pat嘢咁，唔知點收科
開始有啲懷疑，發展商係咪特登搵啲手工差嘅師傅，將啲snag整到仲衰過之前，等我地怕咗，之後未整嘅snag就寧願佢地唔嚟整好過呢
其實一切都係睇好吾好彩
妳要湊仔都真係幾大壓力， 我未開始都驚驚地。 妳入伙時有冇搵公司做snagging report
參差情況比我想像中嚴重，我買個間已經係比較大同出名質素比較好，但收樓後大大小小問題好多，門關唔到牆身花廁所喉管有問題，幾個月以來不停有人來整野，最近連門鎖都壞埋開唔到門，點會連裝個門鎖都裝到咁衰
Snagging report冇乜用，好多問題係用落先出現，唔係收樓個下即時出現，眼睇到個d我都識report啦
夫妻唔好為間屋既問題不和，事實上你完全唔識，就算全程望實都無咩作用。不過留意下維修人員做左咩都重要，起碼即使要再搵幫手，都講到比下手知大概整過咩。
裝修野一嬲都係翻手比新做困難好多，所以同一間外判 trader，以相同技術人員翻做，八成只會更差。
加上間外判投標左個價，係要包埋維修，當然唔會另付費比其他公司執手尾，咪變成整極都整唔好咁。
比錢人做 snag report，意義都不大。
反正發展商都唔會跟個報告去維修。
除非自己唔會入去住，就有需要請人檢查。
其實 new build有滿意紙，唔會太離譜。
不過要避重就輕咁揀野維修，需要一些經驗。
你而家大概都知仲有咩要整同點整，就唔好太緊張喇。
如果自己做埋，最好參考吓人哋嘅snagging report，睇吓人哋會留意啲乜….
我真係全程昅住，大家尷尬。
都真係唔係佢做啲乜，純粹唔比佢走。
如果一啲小事唔影響保養，例如整鎖個，一係自己搞，一係比錢揾人執左佢算。個啲唔會好貴
lur佢都唔會有心機同你整，同埋啲位又越撬越參差。
有時好難冇壓力，兩條乜都唔識。又冇人幫
認同你既做法。
都明白唔認識加上人在外地，精神係會特別緊張。
其實我平時無係網上傾計，但眼見網上好多搵食既，專係香港人呃香港人。而最常見就係裝修，因為金額大又無明確標準。
(哩點全世界都一樣，三行極多騙徒，英國香港都無分別)
所以先係度發左第一篇文：英國係無白蟻既
及盡量解答遇到困難既人，希望多少能有些幫助。
收錢幫人整嘢個啲其實唔錯，準時快手，又會話比你聽乜問題。做完問下 o 5 ok
太嚴重就米鬼整，賣左佢算。
不過如果住一兩年就賣可能引起人疑心。
之前睇兩間 new build, 有單身嘅有family嘅, 住唔夠兩年就賣。family個個重4個細路。好可疑
未收屋， 現在已經好驚
咁又唔使，無見過真係有大問題既 new build。
小問題既，真係遇到咪係度傾下。
謝謝你先！今日問左發展商係無options加， 只係可以介紹私人contractor俾我
唔驚得咁多，呢到太多人做野係咁
大不了使錢解決，不過係到又揾唔返
我係 old build, 牆位有啲凹凸，我諗b&q有冇機可以磨滑個牆
我估同拋光原理差唔多，有工具可自己做
我覺得現在自己好似海綿咁， 不停咁吸緊d新野， 就算無興趣， 但為左煩少d, 都要努力吸
再生活落去，就會發現更加多惡夢。不過啲惡夢都唔會死人嘅。
可能真係好少地方好似香港咁，又自由人又明事理。做野快有交帶。
唯有放鬆啲
牆有凹凸，都係批灰，用沙紙省滑再上油。
唔會磨平個牆，因為功夫多好多好多。
咁米有排磨？
我只係想磨平一個燈制附近位，上次裝制拆出來拆埋附近d4邊
我都係，但正常收樓係開心但變左擔心