有經驗既都不妨分享過去美好經歷
漫步街頭，去靚cafe食鬆餅
3個讚
我一人旅行只限日本， 台北
台北係食嘢多
日本係行山， 睇風景， 或者搵寺廟去
反而好少專登搵嘢食， 多數都係想去邊， 再睇下佢個區有冇咩出口名
1個讚
歐洲，日本，台灣都試過
最鍾意去邊hea幾耐都得，唔食又得，亂行冇行程又得
我克服唔到一個人瞓酒店嘅恐懼，你哋唔會驚㗎咩？
4個讚
理論上會驚，但我又真係冇驚過，冇遇過怪異事
乜酒店都住過，新舊cheap
有啲咩要驚？
如果係驚有怪事發生
咁入房前記得叩門， 唔好開晒啲櫃筒
再講聲， 我借地方休息， 幾多日後會走
平生不作 虧心事， 無冤無仇
我係驚酒店房價太貴， 無啱心水位置酒店
（不過我有試過， 仲要係第一次自己去旅行
已經行咗幾日， 但因為之前個間酒店無房， 要換酒店
一入去個格局唔係平時啲酒店樣
係長形房
平時日本商務酒店個啲，
個次個間
係超長形， 咁睇得出佢係1開2
個窗係落晒一支支鐵框， 推開都開到窗嘅， 但個感覺好奇怪
我放完行李就抖下， 執下嘢
但係門口執緊嘢時
我聽到沖水聲
個人驚咗一下， 之後話我借地方瞓幾日， 打攪晒
就無再發生
我唔肯定係自己房， 定隔離房
但好肯定無聽錯）
2個讚
一個人旅行，試過一次就上癮
我做咗七八年，完全係最愛嘅旅行mode
唔得啦，我幾十年人都未試過一個人瞓，咁樣我會驚到走落Lobby 
羨慕
影靚相，坐 cafe 食餅
去過幾次 day trip，仲要係前一晚背地圖然後第二日摸索 
一個人睇日落，影動物，腳軟就坐下餐廳，唯獨唔好就係美食當前，冇人 happy share 唔叫得多。
1個讚
我絕對唔會因為驚啲唔會／未會發生嘅嘢而錯失人生嘅美好
有啲朋友驚到去旅行一定要跟團，自由行都唔會，佢哋人生得個驚字，冇樂趣可言
我比較adventurous
1個讚
其實唔會驚，長開廁所燈冇野
4個讚
去頗長時間一邊學語言
亦試過打工
2個讚
Working Holiday實在正，可惜我完全超齡
一個人去旅行，鍾意做咩，我覺得睇年紀+心態。
唯一不變嘅係hea遊， 淨係得個大嘅plan，冇詳細㗎plan, 隨心所欲去到邊玩到邊.
最近嘅 一個人旅行，去咗歐洲一個城市， 五日。 周圍行， 見到鍾意嘅餐廳/咖啡館，坐低飲杯咖啡或者飲杯餐酒。
之前一晚先至上網搵第二日景點資料。我試過朝早六點鐘半，出門去睇日出。坐巴士中途落車影古蹟。
行博物館，又冇咗大半日。
我覺得冇必要勉強自己，又唔係人生必須，做唔到獨遊咪唔去囉。
脷伸，好享受獨遊，我係連入酒店房都唔會knock嘅人
1個讚
試過一次，去日本，非常爽。無拘無束，遲醒，miss左景點都無所謂。
唔洗追景點，好多時間去留意身邊花草。有次睇左好耐貓，skip左好多野。
好想去歐洲試下。
1個讚
會驚
但克服咗
試過一個人喺酒店房，明明熄咗電視
但無lala自己開返都接受到
2個讚
我都試過一次係咁
前一晚先決定第二日去邊個city, 再求其plan下路線, 好free
1個讚