新手媽媽 BB3個月多啲 每日瞓覺時間好長 起碼一日20個鐘 每4個鐘食一次奶 勉強同佢玩一個鐘佢又扭眼瞓 起碼瞓兩個鐘以上先 不過佢玩過陣都算精神 因為我第一次做人媽媽 我都唔知佢係唔舒服定係正常 我個人就變到好焦慮 怕我忽略咗佢係唔舒服先瞓咁多 想帶佢去睇醫生 個心情變到好差 覺得自己唔識做人阿媽同時又覺得俾太多厭力自己 求大家指教！
1個讚
有無曬下太陽？
尿量正常？皮膚顏色正常無黃嗎？
有曬太陽 雖然開始厭奶期但尿量正常嘅 皮膚都無問題 就係唔知點解成日瞓
新手媽媽nervous好正常
你記得搵人傾同呻下(當然要係信得過同有耐性嘅，唔係會有反效果)
返去健康院時又有無問下？
呢排天氣涼浸浸又會好瞓啲
我個仔當年都係咁，第二個月就瞓覺多咗，
只要無跌過落地，
無受傷，
飯奶正常，
大小便正常，
清醒嘅時候反影正常，
唔需要過分憂慮。
agree，當然如果仲係擔心就睇下醫生，雖然比醫生鬧太緊張係有啲樣衰，但起碼自己安心嘛
1個讚
明白新手媽媽的擔心
佢瞓得多，瞓得少，食得多，食得少，啲便便質地都會擔心一餐。
但照字面睇，你bb好好湊，食完就瞓，瞓完有食，有啲bb係好瞓得。
食得訓得痾得應該冇乜問題嘅, 3個月可能猛長期或者update 緊OS 姐
過左可能佢就會學到新技能(轉身?)
媽媽你趁佢訓得你都休息多啲呀
如果無日夜顛倒我覺得唔洗擔心
瞓覺長肉
唔該晒你哋嘅回覆 因為新手媽媽的真係好怕自己疏忽令佢出意外 我都學緊放鬆自己
thank you
如果佢醒咗時食得玩得精精靈靈，咁我覺得唔需要太擔心，始終依排有時天氣涼涼地／凍凍地、有時天陰陰咁，咁嘅天氣下大人都想瞓多陣
何況bb呢
當然如果食呀玩呀有異常，就帶佢去睇醫生，我bb細時我都成日帶佢去睇醫生
我當係交學費求安心，始終媽媽先喺成日對住bb嗰個，就算你問N個媽媽朋友都唔一定啱，不如直接問醫生好過估估下
我大女都係瞓得好多，食奶仲好慢，成個 mode 都唔太似香港人咁 
其實一到冬天日短夜長，生理反應下瞓多咗好自然 ga, 呢 d 係所有動物的本能嚟，要好似香港人咁 chur 唔係與生俱來的本能嚟，要經過好多年浸淫先變成咁，全世界無邊度好似香港咁 chur ga, take it easy
無錯, 日頭可以帶BB去曬下太陽, 睇下會唔會夜晚訓冧啲
1個讚