有時專登去幫襯同路人，但態度差到覺得自己專登去好on居。今日又係咁.我樓下個商場9成都係藍店。知其中一間喺街市食街賣熱狗嘅係黃店，如果唔煮飯都係去買，或者亞女返半日都去買午餐。平時收錢個女仔已經冇乜禮貌、今日我比錢佢再開app儲街市積分。諗住佢收完錢同佢講儲分丫唔該！點知佢錢都未收完就話：你係咪想儲分呀，講丫嘛，我又唔係你肚裏面條蟲！我咪話諗住等你收完錢先叫你儲分，點解你咁講嘢？佢仲好唔順氣咦咦哦哦，唉！搞到好似乞佢儲積分咁。有時真係支持佢哋唔落⋯呻完
係有嘅
有
後尾執咗
有啲舖頭喺我心目中係有優先選擇嘅位置嘅
正如朋友開嘅舖頭，我有時諗唔到食咩我都會諗起佢地先
但只限於「諗起佢地先」呢個priority
如果試過一次唔理想，都唔會再去，或者隔好耐等不快回憶淡化先再去
4個讚
我會好好咁同佢反眏
不過我冇乜呢啲遭遇，全部都好好態度
有，仲成日比警察查呢樣停果樣，結果執左
梗係有啦
人血…
不過我無留意之後果啲舖頭點。
1個讚
有一間我好想幫襯佢因為真係幾黃，於是我幫襯佢到會及蛋糕，尤其是蛋糕，可以做自己喜愛的圖案為賣點，但由開始溝通已感受到他們的不在乎和怠慢，但我本著幫襯黃店的精神選擇包容。
到最重要的蛋糕，我要求提中午提取，但他說師傅只可以晚上完成，於是我提議隔夜再提取，他拒絕，即使我不介意蛋糕面會比較硬，也拒絕，於是我只好幫襯另一間。
到最近特登經過他們鋪頭想食lunch, 室內位置全滿，室外有四張枱，但天氣比較涼，我們願意等室內位。 他再三提醒可能要等好耐，我亦再三回應我不介意等。但接著用不耐煩及晦氣的態度說：都話要等好耐啦！轉身入番鋪頭，而我亦唯有轉身搵第二間食。
態度差真係好講趕客。
5個讚
有但算少數，可能十間裡面一兩間左右（不過你會印象深刻），但係調轉有D黃店態度好到我覺得唔好意思。
其實感覺已經好過average，以前好多茶樓阿姐、茶記，算係高級嘅餐廳，服務都好差，香港飲食業請唔到人，員工唔係咁憂做。
假如感覺上不時見到黃店態度唔好，一定程度上說明你應該幫襯好多黃店
2個讚
食過一間，一入店就知黃，但服務態度好差，落錯單、上錯菜，我善意提醒，話唔洗換，但店員好發晦氣，仲要大大聲話「換比你-」，我同同事聽到都呆咗。上菜仲要大大力放低，收碟又專登整到好大聲，好似唔滿意我哋換過菜咁。
呢間舖我有比第二次機會，再去時樓面又換過批人，但態度依然咁差，所以冇再幫襯。
呢間係我食咁多黃店入面唯一一間態度差到不推薦嘅。
3個讚
當然有
人品 & 理念從來都唔掛鉤
6個讚
touchwood 遇過嘅無乜態度係差
反而好多幾有禮
有… 但大部份都係好…
有, 本身叫左到會for小朋友生日 party, 本原約左6點半, 我地等到6點九先致電佢, 當時佢話塞緊車, 食品已出貨, 咁我地等多30分鐘再致電, 佢就同我講搵唔到車手。當下我即時呆左, 點解可以咁無交帶 
當生活中長期只幫襯黃店，實有遇過麻麻既
真係好差就未試過，可能都唔expect香港人有咩服務
不過態度同店舖理念冇絕對關係
差咪反映下，冇改善咪幫襯第二間囉
不能同意更多
好奇一問，如果係態度好好嘅街坊藍人舖頭又會唔會繼續幫襯呢？好多阿叔阿姐雖然比較建制，一唔講政治都好好人。
唔會，一個壞人唔做壞事果陣都好好人
5個讚
唔會，諗起幾多人放學無期。。。幫襯唔落
3個讚
佢哋自然有同理念嘅人幫襯，鐘意可自行吹雞告急。我哋啲錢佢哋都未必肯「降格」賺，所以不了
2個讚
有，有一間喺旺角，好想支持所以去左3-4次，之後真係頂唔住啲態度，可能佢地真係太忙掛……