想請教需唔需要申請左TOR先？
如果仲未有英國居住地址會唔會好麻煩？
好大壓力，三月尾要走，因為個肚太大飛會好唔安全。
得返我一個搵資料執頭執尾，又要返工又要湊仔，好徬徨
我暫時淨係聯絡咗醫院同埋醫生
租盤唔多，當地朋友幫手問緊agent
tor要有英國住址證明先申請到，當時我係先入晒香港貨倉。到左英國攪掂住屋，申請 tor後。提供比貨運報關先再 ship，咁就唔使煩報關稅及申請退返既手續。
如果香港有親友安排到代寄貨，可以慳返果幾個月倉租。
保重身體。
1個讚
你有朋友，就先用朋友地址啦
到你有地址時 (船到英國前) 通知船公司就得
我自己去scotland，用親戚London 地址申請TOR1
1個讚
唔該晒你
有冇啲咩移民心得或者tips
例如有啲細節好多人會漏咗，或者有啲咩我可以做咗先會方便啲
唔該晒你
我問一問朋友先
我個人已經"睇化"咗，以前凡事緊張，依家盡咗力，隨緣
漏野實有，錢買到嘅，就唔係大問題
我係租到地方，order 定超市當日送貨 (日用品/糧食)，同order 定基本家私 (唔係間闊online shop 都可以指定日期，我叫睇屋個女仔收咗d貨) ，所以去到當日係抹咗3次地，收貨，砌枱/櫈，食，休息
跟身，我帶咗大mug當碗用，加筷子/匙/刀仔，去到慢慢揾心水餐具
其實你諗下有乜可以响超市買到，有乜即日買唔到但可能要用，你就知要執d乜
1個讚
而家網上資訊已經好充足，就算係哩度爬下文都夠做計劃，所以只提下比較少人討論卻好重要既事。
香港人不論係生活所迫或本身係工作狂，工作時間都出名超長。
突然改變生活方式，工餘時間多左，甚至直接提早退休。
我見好多出現情緒的問題，首先係對自我價值既懷疑。工作跟自我價值掛勾的關係，正如好多剛退休人士，無移民都會面對。
其次係跟家人相處的時間多左好多，唔習慣而出現磨擦機會極大。
如果再加上經濟有壓力，各項加埋情緒會愈來愈負面，睇野都會集中睇負面野。
對人或事都會，惡性循環。
做定心理準備，時刻提醒自己或身邊人，保持樂觀，不要鑽牛角尖。
咁一家人都可以開開心心咁生活。
5個讚
建議整個todo list, 再排先後次序，做手續唔煩，要執野先較頭痛
我用的船運公司，會提你何時需要 tor1, 英國地址我寫bnb，但之後取消左booking住第二度，期間亦無更新tor1資料。貨品上船前要tor1, 貨品到英國港口前兩星期再問你存倉或英國送貨地址。記住報關那個人同申請 tor1 是同一個人就可以了
2個讚
我上年七月中申請時冇要求住址證明，我用嗰間船運本身有自己船隊，唔需要等船期，上我屋企收咗箱之後，隔咗幾日已經上哂船走咗！原本我仲以為船到英國之前要申請好，但船運上嚟收貨之前三四日打嚟同我confirm上門時間時，催我快D申請咗tor1先。嗰陣我仲未租到屋，所以響Agoda 訂咗兩星期唔洗即時付款又可以免費取消嘅酒店，申請tor1時我都係報酒店地址，係等批咗之後先改返新地址
3個讚