2個小朋友，大的讀緊yr 2，細的今年9月讀reception
到埗3個月，開始諗買樓
現住A區，城市邊緣位（地理位置當香港的將軍澳咁上下）但生活配套方便，附近已有公園同大型retail park，落city centre大約半個鐘車程
惟一缺點係附近2間中學都一般，一間成績好啲但校風麻麻，一間成績中等但progress 8的分係負
有朋友最近搬左去B區，屬同一個city的小鎮（香港的八鄉咁上下），生活配套一般，有high street 有超市，落city centre 時間約45分鐘，但有間好啲的中學
所以依家就掙扎緊值唔值得搬去B區
大的因為幼稚園時搬過屋轉過校，加上疫情下斷斷續續咁停課，對適應新學校無咩太大抗拒，但見佢開始融入到同學仔圏子，我唔忍心又要佢轉校，但我又跨越唔到A區中學麻麻的心魔
大家可唔可以俾啲意見我，應該點去考慮？
（大人返工地點唔成問題，距離差不多的，而A區樓價比B區貴大約10%）
就咁睇就B，但間中學好幾多？gcse成績如何？progress 8 attainment 8幾多分？
同埋有冇feeder school？仲有冇位可以插？
我會揀B區，始終中學都緊要，如果交通無問題的話就搬遠D。最緊要你哋介唔介意無咁方便je，有d人真係好睇個方便度，我個人就無咩所謂，有超市就得。
兩個小朋友仲咁細，你仲有排湊，好學校同生活便利都好重要，兩度都唔太理想，不如考慮埋其他城市/鎮？
A中學
Attainment 8 score 52.3
GCSE 56%
Entering EBacc 46%
Progress 8 score -0.02
B中學
Attainment 8 score 57.8
GCSE 61%
Entering EBacc 65%
Progress 8 score 0.47
就咁睇數據，B區中學真係好過A好多
同埋B區中學有一個科目係我小朋友有興趣而A沒有的
大人無所謂
反正平日多數學校/屋企咁走動，唔會去得邊
星期六日去街，就會揸車
所以考慮因素主要就小朋友讀書
城市就一定呢個地方喇
反而無去諗第三區
因為當初落腳揀左A區，覺得已經係可負擔樓價而又最好住的地區
係依家突然多左B區呢個選擇，先再從新諗過
治安係咪都差唔多？
而且就咁睇數據B區學校好好多，我會選擇搬，Retail Park你唔會日日去，反而學校緊要好多。
我反而想知B區點解學校好D但樓價平D？
有冇睇埋local家長口碑？不過呢樣就幾因人而異，因為佢地嘅要求可能同我地唔同，有d就好唔中意學校重視成績而講到間學校唔好
就咁睇b校比較岩香港人，會谷學生讀書，a校純粹靠學生打天才波，學校唔太重視成績
如果得一間好學校，會唔會競爭好大？
A區有間好啲但校風麻麻，咁B區好學校校風係點？你唔係住B區，靠朋友會唔會了解未深入？
另外，佢近5年成續係點？如果只係一年成續好，我會睇啲先
我同你近似，我一早知A區中學一般但近retail park, 但照買A. 因為我覺得小朋友中學野仲係幾年後嘅事，到時B區學校都唔知仲有無咁好。咁不如方便大人先，到year 6要報學校時先再放租/賣A屋，買/租B區（如果B校仲係咁好）。當然，我鐘意我自己A區嘅環境, 5分鐘行路就可去馬莎next 大型超市圖書館幾間餐廳。住B區我諗我會唔慣好易depressed.
治安就2區都差不多
（我估）A區都係城市範圍，B區就係小鎮，所以就算B區就算有好學校但樓價平少少
口碑未認真睇
但你講得好啱
大的係唔鍾意讀書認字，唔會主動學習，無咩好奇心
但老師要求下佢就會做，仲會做得到做得好，老師講一句好過我講十句嗰隻
所以打天才波類型學校唔啱佢
B區有另一間中學的
小鎮嚟計，收1500個學生應該都算大校
我就係咁做。但，好辛苦。可以嘅話一早搬過去。
我local親戚兩邊交council tax, 無咁複雜喎。不過佢最後考到grammar schools, 入左grammar schools唔洗搬。
我親戚睇定先原因係見過幾間學校一轉校長就成績校風180度改變。我同意架。
因為佢地開始建立社交圏子，唔想佢到中學先重新識班新朋友
如果等大的中學先搬屋轉校，細的到時經歷一次重新適應
倒不如依家就諗清楚
起碼細的讀reception 可以煩少樣
呢度租樓/買樓仲要咁麻煩
早啲諗早啲解決
視乎個別council，Council policy有寫，大家可以睇下自己council係點
我都會揀b, 認真，英國揸車30分鐘同45分鐘分別唔係非常大，我覺得好中學都幾重要，校風要ok
其實學校每年成績都會唔同，每次ofsted 亦可以變化好大，學校而家好唔代表之後會好，你小朋友咁細個可以等遲啲再諗