唔知呢度多唔多有小學仔女嘅天主教教友呢？
我同囡囡都係天主教教友，拎宗教分入小學。
你哋係咪成日參加彌撒？
我囡囡間小學要求教友同學每個月最少參加三次彌撒，之後要填彌撒卡，交俾老師。
學校比通告問返唔返主日學, 但我地無跟學校教堂返, 係返屋企附近教堂返。除此之後無特別問同學有無返教堂。
但如果有返主日學的話, 本身就會參加埋彌撒, 唔洗再返主日彌撒
2個讚
係呀，有咭要簽名交返俾學校，每個星期日都要去上堂同Mass
2個讚
係，囡囡有返聖母領報堂主日學，連埋兒童彌撒先放學。你小朋友小三小四時有冇喺學校上初領聖體班？囡囡間小學要求所有教友同學都要上兩年。
要神父/主日學導師同埋家長簽名，學校先當係真，否則如果3次冇返就會收到警告信，再唔返就扣宗教科分。
而家應該冇乜教區學校會強制安排學生領受聖事，因為既然學校有得上聖事班，家長就有可能唔俾小朋友返堂區主日學，變咗小朋友會冇咗堂區生活，同埋校牧人工低，好難請到人，所以就算學校想開聖事班都未必有人手，通常都係refer返去所屬堂區參與主日學，不過你小朋友嗰間係修會學校，資源又唔同咗。但講真，已經唔多修會學校仲維持緊強制安排公教學生參加聖事，同埋唔係間間學校都會派彌撒卡，就算有都好少話去唔足次數要扣分，反而係獎勵性質，例如派小禮物或者獎狀咁。
1個讚
咁做教徒返彌撒係好正常， 而且彌撒咁多台都吾係話好難抽時間去參加。 而妳都咁現實話因為拎宗教分入小學， 咁佢都好現實要求一個月要小朋友參與彌撒三次都好合理
4個讚
正常，天主教學校係咁
2個讚
無係學校上, 基本上每年只係學校會有一張 form 比大家 update 下個人資料, 嗰度會填係天主教徒, 就無其他野。
我仔仔由 K3 就係屋企附近教堂 (即係佢領洗嗰間) 度上主日學, 然後夠歳數就自動可以上初領聖體班, 夠左兩年, 剛剛嗰年剛初領聖體了 
1個讚
Yes, I agree with you.
我囡囡前年小四喺學校初領聖體，依家小六，黎緊都喺學校領堅振。學校話教友同學小三小四要上初領聖體班，小五小六要上堅振班。咁你仔仔有冇喺堂區上緊堅振班？學校嘅宗教活動又係點呢？
仔仔小四有繼續上緊主日學, 但記憶中未係堅振班 
其實初領聖體班 / 堅振班都有最低歳數要求, 你報主日學時, 堂區會派返你入相應的班。
學校有宗教堂, 學校教堂有活動會宣傳下, 一年好似2次彌撒, 開學&散學, 其他無特別 
1個讚
該主題在最後一個回覆創建後180天后自動關閉。不再允許新的回覆。