依家先6w但我已經流血流佐成個星期
上星期流到黎m咁以為無佐但照完又無事
點知一出院又開始流
我上網睇人作小產都係流一兩滴血。我係血塊咁流出黎
有冇人可以分享都有作小產都有流咁多血最後順利
每流一次血塊出黎都好精神衰弱
我個陣係第一次照完又係6w流到m到咁
一直擔心到8w照到閃閃，都有流啡
由6w開始醫生寫假俾我，寫到10w叫好啲
我要求返工，好彩之後都陀得穩
BB喺預產期個日出世
加油呀，祝bb痴實你
2個讚
你個陣放足四星期假？
但我依家先7w 已經放佐兩星期有啲唔好意思再放
但依家肚又扯住痛
咁的精神衰弱真係有啲難返工
我流啡都休息左成個月冇返工，初初都覺得唔好意思，但諗深一層，個b係緊要啲，所以最後我都乖乖休息唔返工，even我份工係可以work from home.
4個讚
係….其實我都覺得唔好意思
醫生本身要我放到12w，但我真係唔好意思呀，同埋見好似冇乜事，所以返工
但返到公司，老闆間中就俾說話我聽
又話我睇咗私家就唔應該請假去公立產檢
我第二胎6-7w既時候都有，
有一次好似黎m咁。
入醫院。
入過2次醫院照左都話bb有心跳。
我哋無野可以做到，
我喊住同醫生講：如果流左個bb點算？
佢同我講：咁你都要攞組織番黎比我哋睇吓。
第二日我又去睇中醫。
又拜神。
最後bb順利出世。
唔好太擔心
都聽過唔少是一直有流血
可能係舊血，醫生有咁講過
最緊要照既時候Bb係到
D 血係咪啡色，啡色就係舊血
同埋都可以叫醫生開假紙抖下
我第1胎一直流啡，最初以為黎M 仲去飲左通經茶
好在保得住
頭3個月都係咁流啡，然後一直斷斷續續流啡到6，7個月肚。。。。
大仔今年15喇
唔係啡呀。係真係同經血無分別。一pat pat gum湧出黎
我希望聽日搵醫生照仲見到佢。今日流得真係好誇張
起碼換佐三次m巾
我放佐兩星期 夾埋聖誕新年。本來想聽日返 但今日咁樣爆流
聽日見一見醫生睇下點唯有
唔洗唔好意思，份工定 BB 緊要？我同事有左兩個月左右就冇返工，直到產假完先返工。祝平安順利
聽日睇邊個醫生呀？
我有西醫開佐安胎藥
同埋都有食中藥
就唔自己再買其他住。謝謝你的資訊
放到咁耐
我再放多幾日已經好唔好意思
其實份工挰唔太辛苦
但呢排真係突然就會好攰或者少少痛會想即刻訓係度
依家睇下聽日仲照唔照到再諗
有咩關係。全香港人都係兩面睇架啦
不過老細哦下都無法。唔太過份都只可以吞佐佢
祝你順利
我個陣無咁嚴重
流左到星期啡以為m 到唔正常
去睇醫生先知有左
後尾11week 都有試過出血
我個陣日日都同肚內個bb講叫佢乖乖痴實媽咪唔好走左去
媽媽好愛你
之前就順順利利喇
今日睇醫生宮頸開佐應該流佐啦
雖然預佐但都係傷心
希望下次努力再迎接到bb返黎
高齡真係每一次都覺得又少佐一截時間
3個讚