昨晚屋企開party, 買漏左西蘭花，拿拿淋去 百佳買。去到，睇到有幾個特價，保鮮紙包住 2個2個咁，咁就買晒佢。找數時，收銀阿姐 話咁樣係包裝食物無膠袋俾。我當時下左出尼，之後用手指督穿層保鮮紙，同佢講 個包裝唔完整，咁先肯俾膠袋。。。
E家 急凍食物無膠袋跟，竟然連用保鮮紙包一包既特價菜都叫包裝食物。。。濕9正虎 同 D 環保L 最鍾意玩普羅大眾。3年尼，日日 口罩，快測，防疫 浪費咁多膠，就唔計；小市民買餐餸，用個膠袋就算到盡。
3個讚
喵坊表示：環保？
4個讚
以前出街袋一個環保袋, 而家出街要加多幾個膠袋
2個讚
咁又唔洗咁下，其實有層保鮮紙放環保袋都ok啦
9個讚
其實就咁四個西蘭花手拎返去都得啦？
1個讚
平時西蘭花都唔包…呢家包埋咪仲唔環保？就好似連鎖店麵包舖全部麵包都入晒袋，賣唔出全部掉
4個讚
Sorry唔得
我諗到我可以點樣徒手拎住個西蘭花行返屋企個畫面
變左蘭花手haha
2個讚
講起就嬲 平時都無事 一唔派凍肉袋就出事
噚日去吉x島買日式果隻豬肉片
本身 1 pack 6片就有一塊類似牛油紙包住 買左3 pack 啦
咁職員就再將佢地放落發泡膠底兜 再包多層保鮮紙 再貼個標籤
平時會入落凍肉膠袋 噚日點會有 成1大蚊㗎嘛
咁返到屋企發現豬肉漏血水 環保袋要洗 其他食品要洗要抺 仲唔知沿路整污糟左幾多地方
…牛油紙x3 發泡膠底兜 保鮮膜 價錢大label 洗環保袋
嘩 慳左1大個凍肉透明袋呀! 
環保到幾乎雞蛋裡挑骨頭 環保佢條命
(環保L唔好嘈嘈閉話可以自備透明袋呀 你咁叻 去叫街市商販少用一日發泡膠箱啦 
慳1日膠箱 分分鐘夠香港市民用一年透明袋)
2個讚
果晚係臨煮前先發覺買漏，最刻揸電單車去買，無帶其他野。
我上面寫“2個2個咁pack" 係指百佳 每2個西蘭花包保鮮紙1pack咁，唔係 淨得4個，我最後買左4 pack.
無錯，平時西蘭花唔包裝，但果晚果D 西蘭花係特價貨，所以2個一pack咁包一層保鮮紙+個特價label.
===========
好多人本身唔係去買野，只係咁岩路過超市/街市，順路入去望下，有岩就買，無就走，所以唔會帶環保袋係身。平時D 膠袋，我都係用尼做垃圾袋，而無要管理處送D 大垃圾袋。E家買野無膠袋跟，變左要用返管理處送果D大垃圾袋，仲唔環保。
濕9政策無樣唔擾民。。。
講起賣唔曬嘅嘢食拎去掉真係好浪費
其實比一蚊咪得囉，點解咁核突
6個讚
唔合理，仲要我俾$1去買膠袋 ,唔洗咁奴性呀
咁你督穿個保鮮紙為咗拎免費袋就合理？關奴性咩事？你難為緊個收銀咋
2個讚
咩叫包裝食物先？我定義包一層保鮮紙唔算係，E 家係個收銀覺得係就係？我已經無即場打去百佳熱線要求佢地官方定義，而用最快方式保障自己權益，有咩問題?
如果你覺得你自己係咁正確，有需要匿名覆post 嗎？
原來係用你嘅定義，即係你覺得係就係！所以你就喺上面回因為自己揸電單車冇環保袋而用最快方式督穿保鮮紙而要求一個免費袋！仲話打去百佳叫人定義，你自己冇責任上網查嘅？個個知得你唔知？你用破壞嘅行為去得到自己定義嘅結果，同生番冇咩分別！只講其他人奴性或者匿名就合理化自己生番一樣嘅野蠻行為，完全冇討論價值，完！
7個讚
我無責任要自備袋去買散裝食物。以環保署講法，裝氣密包裝食物 先要俾錢買膠袋，https://www.epd.gov.hk/epd/psb_charging_mobile/tc/exemption_arrangements/retailers_selling_foodstuff_and_non-foodstuff_products.html
但百佳以保鮮紙包一包，可以點氣密法。
今時今日，爭取自己合理權益叫核突/野蠻？
望落環保署定義，個人判斷樓主應該比較正確，何況呢類灰色地帶，最大責任係環保署無清晰指引。
其次係商戶，尤其好似百佳等大集團，完全應該有統一、清晰指引比員工，呢個肯定唔係收銀員問題。
再者，樓主打電話上去熱線問，就算其他人未必會想花呢個時間，但係絕對屬於合理行為，否則熱線用來做咩？環保署指引本身就係「最低標準」，即係商戶可以自己決定做得更嚴（但不能更低）。理論上百佳可以話所有膠袋都收錢，包括豁免類，甚至收$3/個都得。樓主呢單嘢，最大問題係百佳明顯係呢件事上無清晰指引，所以打電話去問清楚公司準則，都好正常。
最後如果係小店/小商戶，佢地可能未必有足夠資源仔細研究/理解新規，顧客情理上或者應該稍為理解。但係作為大型連鎖集團，要求公司釐清灰色地帶，就算情理上都無咩過唔去。
[ 收銀阿姐 話咁樣係包裝食物無膠袋俾。我當時下左出尼，之後用手指督穿層保鮮紙，同佢講 個包裝唔完整，咁先肯俾膠袋。。。]
邊度唔清晰？
佢意思係，收銀阿姐未必正確理解該情況應否比膠袋顧客，所以想打熱線上公司求證。
呢個合理懷疑建基於呢種情況根據環保署指示，應該可以派發，而百佳應該跟緊最低要求。
補充：如果百佳其他方面全部根據最低要求，但係保鮮紙包裝西蘭花，超過環保署最低要求，咁顧客合理期望應該會得到通知，例如貼返notice/海報之類。但係既然顧客無得到通知，都會懷疑收銀阿姐會否錯誤理解處理方式，所以呢個係「公司指引唔清晰」嘅意思，唔係話「阿姐表達唔清晰」。
究竟係我唔明定你唔明？