阿女呈一四條A，呈二剛派成績表，失左手，三A一B，老師話佢應該排級十內，但唔係級頭三，佢操行A-，攞左校內校外唔少獎。佢讀41校網既九龍塘聖家，間學校係中小，英文程度唔太高，請問如果自行揀 Maryknoll 同上智兩間女校，入到既機會大唔大？求回覆，謝謝。
呢個成績、揀Maryknoll及st Mary’s 吧
我會第一排Maryknoll 第二排上智
上智應該冇問題。
但係校長之前話，舊年啲師姐: 級一入協恩，級二入 Maryknoll，級三入德望，級四入聖心，級五至十都入上智，其他同學全部入返聖家。
如果係咁，我覺得 Maryknoll 同 St. Mary’s 都係傳統名校，而上智係深水埗名校。
囡囡亦考慮緊聖母玫瑰，蕭明 ，保祿六世，聖心，聖嘉勒，聖保祿，藍田聖保祿，德愛，Marymount，嘉諾撒，聖方濟各呢幾間女校。請問大家有冇意見？求回覆。
哇，你列曬差唔多所有 Band 1 女校，頭中尾都諗埋。
識你師姐，佢級五自行 MCS 但嗰陣未公開自行所以入左 HY，但後過佢嘅都入到 MCS (級十內)。
St Mary’s 唔怕揀，就係因為少位好少人夠膽搏，佢自行唔係只收 Band 1 頭架，Band 1 中都有收過。
上智都 OK。
唯一要諗就係 MCS 係 all-in，St Mary’s 揀人 in。
MSS 英文好吹得就可以試，佢地 debate、speaking contest 冇 coach 跟，單靠自己英文流利程度都可以贏到地區學校。
你列出其他學校基本上都唔需要考慮，聖家自己都同佢地相差唔遠，拋離得最遠得 Marymount 同兩間聖保祿，但藍田聖保祿出入麻煩唔近地鐵，Marymount 更加，除非你好 buy Marymount 理念。除非唔鍾意聖家。band 1 乙部派位一定入得返。所以自行可以盡力搏殺。你師姐都係盡力搏殺，自一 MCS 自二英華女。
唔好睇少交通，跨區唔怕返，最怕唔近車站。之前去坑真，巴士過海塞車，過海搭再小巴上山又驚冇車，天后站出 yang 上樓梯夏天熱死，打風落雨沿路冇遮陰，Marymount 仲要再上。但佢的確好訓練到一批講英文有自信有台型嘅女女，亦畀好大自由度。
1個讚
呢點就好認同你所講,睇少交通會浪費好多時間.
自行方面,成績表面睇冇咩問題,家長自己應該對小朋友能力心中有數,且都列曬差唔多所有 Band 1 女校,最主要都係睇樓主小朋友面試時候表現. 我小朋友都係中小,現在英文應付自如,都已經好少用中文,不過又唔怕佢中文會差.都係嗰句,小朋友有信心而又鐘意既就唔怕選.
睇咗你好多回覆都好有用!
搭單一問, 我有K1大女活潑醒目但坐唔定需要活動教學, 妹妹斯文坐得定 … 如果Marymount適合佢地, 我地唔介意搬屋坐校車番。好想知你點睇呢 
我識人 20 分自行 MPS 成功，住九龍。讀得好開心，初小都有機會帶領早會，又有啲 “豬肉 cert” 鼓勵學生專心上課、有創意、責任心。
但抽同自行都搏，暫時灣仔區都係得 Paul Cat 同 SFCS 乙二有中，MPS 暫時都係乙一爆額。你要搏 MPS 就要 backup。
1個讚
因為識人可以叩門… 好似你咁講住得遠番學辛苦，嗰到真係好唔方便。 MPS 當然好， 只係唔知適唔適合比較靜嘅呀妹 🫢
你唔同小朋友比較學校，佢唔會去諗呢啲。每間學校都有呱呱嘈學生，亦有靜到粒聲唔出。只要識得分情況分時候，交齊功課認真上堂，咩學校都得。更何況一家每間學校都越來越多 SEN 學生，老師可以話 “有咩未見過“。只要小朋友唔係特殊學習需要 (e.g. ADHD、ASD) 就 OK 唔需要顧慮太多。
識人有把握叩到就更加要 gogogo！
1個讚
我囡囡近排開始鐘意研究啲中學，所以我列出嚟嘅女校都係佢話我知㗎!
佢話一定要揀天主教嘅女校，因為佢由幼稚園 (聖嘉勒幼稚園) 到小學都係讀女校，加上我哋係教友，所以佢好抗拒去其他中學。
之後搬咗屋去荃灣，校網一般，所以小學自行拎25分入 (首名出生子女 + 媽媽係舊生 + 教友)。
聖家書院對我哋嚟講好遠，唔就腳，所以唔想入返原校。
我考慮緊幫佢報 Maryknoll 同上智，聽到你提議 St. Mary’ s 覺得唔錯，可惜好難返學。
我有兩手準備，幫佢報咗間直資德望，但唔知收唔收，最好都係唔洗俾錢讀書好啲。
咁大家覺得蕭明同保祿六世又點呢？求回覆，謝謝!
講得好啱！ 兩姐妹入到MPS 仲可能唔使玩升中好正
有得揀就唔太建議蕭明/保祿，呢兩間 95% 學生都係地區學校，英文程度會低一截。雖然咁樣的確可以做 “最 top”，但對於推進英文修養唔大。而且傳統女校好識得栽培 “sophistication, elegance and confidence”。讀緊就會好粗魯，但畢業之後就係溫文儒雅。
St Mary’s 都唔算麻煩的，都好多住荃灣，荃灣出發的話，半個鐘鬆啲返到！但如果你要穩入好唔想入九龍城讀書，咁填蕭明都 9 成中。門當戶對又要返學近嘅天主教女津，冇選擇呢！
德望我識人讀，不過佢係小學部上。朝早返學齊齊等小巴，但好處係環境好好，完全唔雜，而且鬼佬校長好有心去 push 多啲英文活動。而且佢都唔少獎學金。我識嗰個考得前，獎學金條數可以學費減 25%，考 top 10 仲可以有 50%。不過去德望仲遠喎？
聽過聖家會推薦top嘅去st mary, 唔知是否真有其事
1個讚
推唔推薦就只有就讀家長知，但我知道好多屬校 (e.g. 西華七院、保/寶記、可X) 去其他屬校 interview，係有加分。要好好把握呢種 “特異功能”。
荃灣返蕭明都好遠
1個讚
可以考慮沙田間天主教女校. 差唔多一定收。無乜人報
荃灣去葵盛唔遠，只係煩。
等車耐，荃灣區燈多路窄，煩忙時間架車蟻爛咁慢。
唔搭巴士小巴，搭地鐵又要轉車。
去蕭明時間 都可以出到九龍區。
認同。
聽聞蕭明會偏向先收外區學生，本區幾叻嘅有心想入都只能大抽奬。