舊工作學校返左唔係好耐, 返5.5日準時收工, 屋企附近返工, 但做得唔太開心。我有一個小朋友, 新工作來回共1小時左右, 返5日, 返細會計師樓, 問左話好少OT, 最遲都6點半同事放工 (唔知係咪真?), 人工就比現職多少少, 想問接唔接受Offer?
我都記得你之前講過份學校工唔開心呀
請假去小朋友學校見家長都有說話聽
來回合共一小時即係每程半個鐘?
我個人覺得可接受
但係咪真係6:30 收工要做落先知
如果我經濟上可以容許短期失業
咁我會搏一搏
反正學校都做得唔開心
學校工請假見工又唔方便
1個讚
多謝你的回覆, 其實都係搏一搏, 好多野都做落先知
2個讚
不過我擔心同事有無帶野番屋企做
你見工係咪上公司見?
定係online 見工?
見唔見到個工作環境同埋同事年齡層?
我係公司見, 佢見左我幾個字就請我, 我都驚伏伏地, 同事個年齡層都係30歲左右, 唔見好後生
嘩~即場話請你咁爽快?
係, 本來話考慮一至二天, 之後好快有 offer, 所以有d驚走錯
如果而家份工做得唔開心我會試吓轉工，既然有人請當比個機會自己。
返5日已經係我既首選, 何況呢份又做得唔開心, 就算touchwood新o個份又懶野, 但都起碼5日工先
1個讚
我覺得可以試新工，佢唔請後生，可能係佢覺得有經驗嘅，就算教都應該唔使樣樣都好仔細花時間教
如果到時新工真係唔啱做，搵返學校都唔難呀
學校文職長期缺人
人工又高d，又係返5日，而且舊公司做得唔開心，我諗唔到理由唔轉。
1個讚
我以前都做過細會計師樓，唔洗OT，可以準時6點走（我果時夜晚仲有份PT）
1個讚
來回1小時，係基本，5days才是重點
新工
1個讚
我覺得如果你嘅priority list係 照顧小朋友
咁呢份工都值得轉
因為返五日，同埋請假一定容易好多
有冇問過上一手點解離職？
同呢間細會計師樓財政狀況OK嗎？公司多唔多員工？有冇google⼀下睇吓間公司背景? 或者Google一下老細個名？
有冇人comment過?
可能睇一睇呢啲，如果冇問題就應該OK
4個讚
公司話新增職位，我search過做左幾年，財政狀況都未知呀，不過好似請人都少少密，唔知係唔係公司年期短？
由細做起，越做越大，所以需要更多人手。
希望係真，見工時老闆都好好人，所以先考慮
1個讚
我會轉
要照顧小朋友，容易請假是最重要的。
車程來回1小時可接受。
我諗我唔會再做學校，好似人事複雜過commerical, 或者我唔好彩卦
咁我都覺得OK呀，我係你我都會轉，點都唔會差過而家學校，就算你要轉工都唔太難。
順帶一問，你見工嗰陣有冇輕輕交代過會 expect 比較準時放工照顧小朋友？
如果佢都講到明冇問題，咁我覺得更加OK