呢3間點撰好
培正： 有中學，起碼6-7成讀得返，但就麻麻地中小同中中
播道：整體都滿意，一條龍，但就搭好耐校車（住太遠，2個幾3個鍾來回），小朋友一定好累
陳守仁：鍾意教學模式，但呈分要再博多次
小朋友懶惰唔鍾意做功課，但上堂態度還算認真，唔打算學樂器（佢自己話無興趣）
想問大家點撰好
1個讚
我以前讀陳守仁（今年form 2)，陳守仁嘅老師都算幾友善。雖然有啲人話陳守仁係Happy School，但其實唔係，功課都唔少（唔會太深，只係英文比較難，但我以前較懶都應付到
）。同學好friendly，大多數英文非常流利，對未來銜接中學課程有幫助。活動方面，學校會舉辦好多多元化嘅活動，如language week, festivals 等，不過可能因疫情取消咗。
記得呈分試出得特別淺，所以唔駛太擔心。小朋友只需維持中上水平，就可考到唔錯嘅中學（我嗰屆全班大約十名以內都可以考到Band 1 中學）。
雖然讀一條龍學校以後考呈分試就唔駛再慌，但睇番轉頭，選擇讀陳守仁又唔係一個太差嘅決定，小學生活過得好豐富，且有唔同嘅體驗。
以上屬個人經驗意見，希望幫到你！
2個讚
tsl
播道3小時太浪費，培正中小似乎唔岩口味，tsl成績夠上band 1,唔擔心，再進取d上band 1a都無問題。
中小唔大問題，好多英文勁嘅小學都係中小，培正英文都見得人。但你係無心入中學部，咁入培正就冇咩意思。6-7 成可以升中學部，但都要搏殺。小學人口真係數一數二，開 8-9 班大約 260 人，考中游唔係差，考 100 仲要係頭 40% 添！但個心會有少少唔舒服，好似永遠都好多人係自己前面。如果排名 90/130，雖然係下游，但好似冇咁難受
播道唔洗煩，學校唔搞活動齋 freestyle 讀書，睇下小朋友坐唔坐到咁耐車，暈車浪嘅話無需勉強。坐得到嘅話仲可以諗諗。
TSL 大部份都入到唔錯嘅學校 (band 1-2)。呈分搏殺就一定。魚與熊掌呢！
會揀陳守仁， 就算升中要再搵中學， 佢地普遍都派得唔錯，或者學生自己去考都唔錯。