新手未請過姐姐
主要湊個2歲小朋友同一般家務
咁岩有朋友個姐姐（係佢屋企做左10年）話介紹佢妹妹比我地
（三十頭，單身，無仔女）
但佢未做過姐姐
無出國經濟
傾過偈，覺得合眼緣既，溝通到
但上網睇話最好揀出過國，有小朋友會穩陣小小
想問下大家有無類似經驗
有小朋友都未必有耐性同愛心，
無小朋友好睇佢有幾落力想黎香港拎工作經驗
1個讚
應該唔會揀佢
1個讚
有小朋友未必有愛心
冇小朋友未必冇愛心
1個讚
同我之前情況差不多、親戚工大姐姐介紹佢妹比我、未照顧過小孩、不過我見過一次見佢幾乖就請了！最後湊大我仔女、照顧得無微不致！
一切看運。
1個讚
我請過幾個姐姐，無小朋友既全部都好錫我小朋友，真係當自己生咁錫，反而生左嗰D就照顧得麻麻
1個讚
其實係賭運氣, 別人口中的 “唔好請” 我姐姐有齊晒 : 斷約, 年過40, 來香港超過10年的老 cf , 到現在做咗10年, 冇問題.
當年我係合眼緣就請, 冇諗咁多.
1個讚
我有問過佢好想黎
請姐姐同賭大小一樣，中曬必請條件都一樣可以黑面。
相反隨便請都可以做得長。
但你呢個case，我擔心佢無出國經驗，嚟到做一排又話home sick，未做過工人，所以你以為佢應有的知識同態度（例如：點用家電/要聽傭主指示)都要由零開始教。
我揀工人通常揀有海外三至五年經驗，有家庭負擔(例如 單親媽媽)，希望完到一個合約，唔使不同俾agent 費。
2個讚
多謝大家意見，睇黎我再望多2個姐姐先