我家印姐做左3年，湊小朋友不過不失，湊5歲及差不多1歲，清潔唔好煮野都麻麻，但唔偷野唔借錢，但佢唔識講英文，我地雙職但想個女可以起屋企講多d英文
大家會唔會轉請個菲
求意見
首先 唔會靠姐姐同小朋友講英文
佢地口音重 vocab唔係話識好多
7個讚
小朋友同e+個姐姐夾5夾?
請菲，要做好家務兼教到2個小朋友，你需要好多運氣wo。我見人會搵有教師資格既工人。
我唔指望工人可以幫手練oral, 實際上我屋企係2個小朋友同化返個工人轉頭，教佢講廣東話。即使係講英文，都唔係正宗，grammar 錯晒。所以我唔會寄望係工人身上學英文。
3個讚
除左運氣，人工都要高於市價一截，否則工人可能都會騎牛搵馬。
唔會轉
男人用she, 女人用he, 真係多謝晒
2個讚
唔好期望喺佢哋身上學英文
最多可以令小朋友唔怕用英文溝通，但grammar一定唔岩
佢哋表達會好簡，例如no food,sir！ k3時 ，我小朋友傻更更走去問工人姐姐英文功課，錯到七彩。
但我用開菲，任何國籍都要撞手神，呢個暫時ok
請姐姐同教英文兩件事要分開睇。
宜家姐姐正正常常已經好好啦，就算俾你搵到個英文好好嘅姐姐，但其他嘢好差咁點計呢？不如直接拎請新姐姐嘅錢嚟搵個英文私補老師咪仲簡單直接。一個差嘅姐姐除咗令你金錢捐失，精神心血都大傷架。
3個讚
還有close the light 
英文好既菲姐多數跟外國僱主
佢地果種態度真係唔係個個接受到 
不過請菲/印都好，都係睇彩數
3個讚
same here…姐姐成日講open the light…
非常同意
同埋, 菲… 我信唔過, 暫時未見過好~
好既亦唔會禁易轉工或被轉工
同你差唔多情況, 而家個姐姐都鍚小朋友不過清潔唔係好掂…
小朋友開始讀幼稚園嗰時都有同一煩惱, 覺得啲同學仔個個有姐姐同佢講英文(可能屋企人都係)好似英文好好咁
不過呢啲都係要撞手神, 最後都係覺得合作倒就唔好亂轉啦
雖然都聽過啲case 係愈轉愈好, 不過請倒玩嘢姐姐都好多= =
學英文有好多方法，何苦要用菲傭？睇下英文卡通就已經英文叻過中文