我最近幾日都Google 想搵相關資料。但通常都係話懷孕後期肚出疹正常。
但我13週開始就出粒粒, 圍住肚臍咁出。一到夜晚就癢到癲。癢過俾虱咬! 
忍吾住卒卒卒個肚。
昨天睇左政府門診
, 醫生話可能乾燥, 或者係純粹荷爾蒙變化。但其實我手腳, 咀唇平時冬天都好乾, 現在無乜, 所以都吾算乾燥。自己已經避開吾開暖氣。 不過醫生話通常懷孕後期先會咁, 吾知點解我咁早。
有無人有個肚出哂疹, 癢到癲既經驗
可以分享吓幾多週開始, 持續幾耐。。。除左頂吾順要搽類固醇之外， 有無其他野可以做到?
個陣都好痕，但唔記得幾時開始
都係搽密d 保濕嘢
你癢有無出一大堆粒粒
椰子油得唔得啊？問下醫生！
我自己個時日日搽，唔係等到痕先搽
不過我冇出疹，所以建議你問下醫生先
1個讚
好似有tummy mask俾準媽媽用，唔知有冇幫助
（賣家當然話有
）我備孕資料搜集時見到
1個讚
唔係好記得
1個讚
我本身有濕疹斷尾左幾年，
大肚初期都生番少少係肚附近，
你試下妊娠按摩膏，
食野戒口，盡可能都確保自己每日有便便去到, 都可以考慮食孕婦食得既益生菌（無話邊個牌子，iherbs 見到孕婦可以食既我就試
）
1個讚
平時早晚搽普通潤膚膏/唔油既妊娠膏，天氣乾燥就隔10分鐘再搽油類既護膚品（凡士林/椰子油/巴巴油etc）
有紅疹地方最好唔好揸咁多油，因為油會封住啲毛孔，情願一痕就搽密啲普通潤膚膏
平時幾痕都唔好掂啲紅疹，更加唔好R
潤膚膏最好就無太多奇怪成份，平平地、無香味無酒精果啲就ok
要俾佢自己慢慢好
1個讚
我記得個陣我都係後期出，都係搽保濕，醫院開豬油膏，生完先冇事，個陣痕到訓唔到
1個讚
我未試過咁，
但你可以用煮「金銀花」水，洗出疹嘅地方，止痕。
1個讚
我中期開始有出疹 ，不過唔係肚，係喺乳頭，雖然範圍好細，但係痕到癲，晚晚都瞓唔到，我嗰時都無諗過關大肚事。
不過實在太辛苦，都係去咗睇醫生，原來叫乳頭濕疹，醫生話係大肚其中一種會有嘅情況，佢開咗好低劑量嘅類固醇，佢話大肚都用得，佢叫我用咗起碼瞓到覺，如果唔理越來越嚴重仲麻煩，ok咗之後就勤保濕。
雖然同你情況唔一樣，不過都讓你參考一下。
1個讚
我日日都搽醫生開的膏, keep 住夜晚會好癢 但好奇怪身邊好似得我一個係咁
吾知係飲食出問題定乜。。。 我下次見婦產科醫生係一月中, 到時再問吓。
我都係肚皮開始大加上乾燥,一沖涼都會RRRRR然後紅哂
我沖完涼未抺乾哂啲水就搽啲茶樹油, 可以防紋同埋潤下
之後到後期腳踭位都有出疹, 一路到生左幾個月先退哂(可能因為KEEP住餵奶)
呢啲疹都冇搽藥, 淨係用body cream
所以我覺得真係兩樣野來, 我果陣仲keep住著大肚褲, 成日cool住會易痕, 最好可以著裙, 唔係勒到個肚皮
1個讚
其實我嗰時都深究唔到點解會出疹，我第一胎無事，第二胎產前產後都有唔同地方嘅疹(上面講嘅乳頭濕疹係產前，產後就喺手臂內側)，我諗可能精神唔夠抵抗力弱引致，因為我第二胎係瞓得好差嘅。
如果真係太辛苦，不如早啲見醫生，始終影響睡眠對你同bb都唔好。
1個讚
我果時都係好痕出粒粒, 睇政府果時開咗好大盒豬油膏, 搽完有好轉嘅
1個讚
我25,6 周才肚痕, 政府產科覆診俾左藥膏我查, 好快冇事,仲用唔曬支野…
1個讚
醫生俾左一枝潤膚一枝類固醇我, 搽完可以短暫止痕, 但d 紅疹keep 住圍住個肚臍生