純粹分享
唔少買哺乳胸圍既地方都係一對一試身服務，之前初初無經驗，係ig 睇睇下見到有一間係尖沙咀既鋪頭，款式價錢都覺得合理，就係What’s app預約做booking上去試下。
然後上到去，其實都試左唔少款，我諗大約30分鐘左右，個姐姐初初都叫仲有耐性，比下意見、問你鐘意咩款等等，不過當你試完6、7、8個後，初頭款而又有興趣既胸圍，你都會再想試多一次個size，再決定係咪買，呢個時候個姐姐已經開始比你感覺到佢既唔耐煩，有意無意咁同我講只係可以比我再試埋呢一件、之後有其他媽媽黎、最近booking都好full之類、你試完可以出黎揀款之類。其實當時心裡面起左個突，雖然我都睇得中，但係試完都無話一定要買，如果我唔岩呢？
其後換返曬自己既衫，當時其實都約莫過左30分鐘左右，出到去個姐姐一路就話如果你係我呢間鋪頭睇唔中既，你係出面都好難睇得中，因為我間鋪頭係最齊全架啦，你揀啦，又推介左買package既優惠，其實當時我諗一諗就拒絕左，雖然係真係平少少，但我亦有太多買野既經驗，知道自己既性格，唔想擺住一筆錢係度，到時又要焗買又唔知揀唔揀到野，然後姐姐就有少少恥笑話真係平好多，個個媽媽黎買個個都會join package等等，我都一如既往拒絕左，因為我寧願圍返每個貴少分先買幾個黎試，都好過貪平少鐘買左一大堆而又唔岩既野。到我買埋單揀埋款，我諗都過左15-20分鐘，我都仲未見到佢講既下一位客
我仲要走左10分鐘之後返轉頭想查詢返訂左既貨會點樣通知之類，都未撞到佢下一個客。
最後我都買左4個胸圍走，純分享比各位媽媽，如果真唔岩或者有時間可以對比多幾間，有時都唔係貨或者size問題，其實消費除左件貨之外，有時都係對對方消售上面過程既感受，知道一定好想做得成生意，但你攪得一對一，除左私隱度，唔多唔少都想比個客有貼心感，你講野焗買比人就女大壓力啦！
多謝你地睇到最後
唔知大家有無興趣係邊一間🫢🫢🫢