我兩個小朋友,一個讀寫障礙,另一個唔夠自律
呢排日日同佢哋溫書,好攰
呻完,謝謝收看
加油,共勉之。
加油
媽媽同小朋友休息都好重要,希望快啲過完就過個開心假期
真係大人細路都慘
加油
謝謝你,希望快啲考完試,幸好佢地考完試先放假
攰呀,尤其小朋友係有special needs, 溫得特別吃力,唯有盡左力就算了
放鬆! 你「加油」都無用,佢哋似漏氣的氣球咁
多年來已練成不能改變他就只能改變自己。
接受佢低分,唔合格,但只要佢盡左力應考,以佢的專注度去認真對待份卷,唔係hea就得。
最後的成績,唯有睇到好化。
*多年來的吐血心得,通常皇帝唔急太監急,太在意只會激到我突然死亡。
對啊, 有盡力比成績更緊要
左右都兼顧到勁
你同時兼顧兩個,好叻架啦!大人細路盡左力就是好好的經歷!坦白講,到大左回望,仲邊記得細個讀左咩呀,反而會記得媽媽係身體陪伴嘅日子。
諗下考完去邊到玩、邊到食好野~
加油!
我女正常地溫書,個名次都愈來愈差
佢D同學日日都去補習班,個個都89十分
加油呀!我一向都唔理幾多分,只係同小朋友講,要盡力,重要的是態度。
考試週我每日都買定好野比佢食,話係知道佢努力,係支持和鼓勵。
考最後果日,我會放假陪佢食和玩。和我會送一份小禮物比佢,獎勵佢努力。
重視過程,同自己比較,好過上次少少就夠
我嗰個呈分試,我平心靜氣面對,睇定啲band 2,band 3頭,校風好啲學校。
每年都話放棄 但又放棄唔落
我覺得唯有改變自己心態
我小朋友因壓力…而影響左好多野…(媽媽我有好大責任) 而家學習放下所有…健康比較緊要。見到人地一星期7日都送去補習專科﹐我都同佢講要CUT (人地覺得我係唔想佢溫書) 再望下自己個個…真係希望佢地將來唔好後悔…迫死左就係一世…大家都要加油…
加油!
完左同小朋友食餐好,玩餐飽,好好放鬆慢活下
我得一個都係唔自律溫書,陪溫書溫到嘔血 。所以明白你兩個有幾攰。
加油,捱埋個試就甩難又到放聖誕節假。
健康真係最緊要,其實我只係預我女中學讀B2,所以佢考到中間名次就穩陣~
我識人個仔初小成績好差,佢死谷爛谷個仔高小上到B1尾成績,點知派位LOOK到去最後志願B2C中學,最後叩左好多間,有間B2B收左佢仔
其實B2學校都唔差架~B1唔係個個都岩讀,而家B2中學都好多學生直升到大學~