Neodexx 旗下Reenxx 美容公司，銷售方式十分有問題！
銅鑼灣某治療師，話我用5萬蚊就買到好多次療程， 再送24次保濕treatment，計埋數俾我睇，仲話額外免費做當日完成嘅treatment
但我遲遲都收唔到當日invoice，再check下自己record先知我嘅療程次數都唔岩!!!
有成1x次 laser treatment唔見左! 當日應承free俾我嘅treatment照計左數!
打去問，原來當日所講24次保濕原來唔係送，價值2萬幾
至於我唔見左既treatment，原來新單以舊單餘下treatment換成新單，即係當日購買5萬蚊療程係用我舊單已付金額+5萬!
(圖上invoice discount為舊單餘下treatment value)
有關此事已去信消委會及海關，奉勸各位仲係呢間做嘅JM check清楚自己啲單同treatment次數!!!
咁都呃人
好似越大間公司越衰咁
我之前做細公司比重生醫生買左，焗住去，勁差！
用哂都唔買新，拿拿聲走人！
去返啲中細公司，買5次咁多，做完先再買又唔hassle!
係呀!
而家咁多單次收費既美容院, 真係唔需要去大公司做 
為左跑數咩都做得出
嘩真係好狗~~~
乜有得舊單加錢變新單?
呢個銷售手法，好多年前我都已經試過中招，原來依家一直都冇變
我依家唔會去呢啲大型連鎖中心㗎啦，去返啲小型嘅，純手工，志在深層清潔，冇特別嘢都唔搞其他？
我都係咁，冇乜嘢就唔搞其他，
宜家想搵diy家用儀器，
之前試左深層清潔，效果滿意（另見hydra facial post）。
最近買埋收毛孔同lifting，等收貨。
如果真係work，從此可以同美容院講再見，以後唔駛煩！
好多美容院都得架, 舊單+額外50%錢就可以變新單
不過前提係要同我講囉! 我都完全唔知情
去大型都係諗住部機靚啲
不過每個月去都洗成5-6千蚊, 痴痴地
搵醫生做都唔洗咁貴
我見啲家用美容儀都係幾次treatment價錢就回返本
好吸引 
試啱嘅，我覺得抵。
淨係慳返時間、精神都值。
不妨做下功課再家用、美容院兩邊做，
完埋呢個package應該都知道咩模式啱自己，再決定續唔續個package 。
十零年前已經領教過呢間嘢，d course 的次數亂到不得了，一陣又free個眼，一陣又free個cleansing ，剩返d treatment 都費事做了！
然後久唔久就WhatsApp 叫我唔好嘥做埋去！我回返去，當施捨比你公司啦
然後block埋去！但過一排，另外一個staff又text 我！
想問下有咩家用深層清潔儀介紹？
我本身有做開hydra facial，搵左家用版A字頭第二代個款。
暫時幾滿意，
美容中心做一次keep到三個禮拜到，
家用就keep到兩星期。
如果我記得嘅話，就每十日左右做一次。
少咗暗粒同埋皮膚冇咁黃
（白淨左都可能都同密左fu mask有關）
有時忙緊佢地會奪命追魂call叫你落去試野 (乘機叫你再開course)
咁急打幾次俾我以為有咩急事
