雖然呢個問題未必關移唔移民事….
移民後已找到新工， after tax 大約人工hkd 5萬, saving 大約800萬，小朋友一個
而家租緊，租金每個月要hkd萬五，想買到自己屋，慳返租金
有兩個單位較為合心水，兩個都係幾好區，又幾方便，兩個單位差唔多大
A 要600尾，幾年前新樓又靚裝,唔洗執即住，境觀好花園大，兩層4房
B 要400幾萬，舊屋但番新過，普通裝，買咗小執就住得，冇咩境觀花園細，喺條小馬路旁邊，計埋attic三層4房
兩間屋都未開始bid, 所以價錢未定
我老公較喜歡B , 覺得B 整體ok 又可以留多啲錢，大不了將來換屋。花園鋪晒磚如果我唔鍾意搵人執應該唔貴。
我較喜歡A, 接近自己dream house, 同埋我哋可以借到二百幾萬Mortgage, 覺得自己afford 得到之餘仲有free cash 剩。 換屋又未必咁易，不如買間自己鍾意嘅長住
比著你地會點？
唔好諗太多，求其bid間快同容易成交嘅，最緊要無chain。
最後好可能兩間都 bid唔成。一般都要買4次先會成功一間。
我揀A
如果afford 到，買新（A），新樓結構好d , 日後少d麻煩野
咁好容易買錯屋喎
兩間我會再等下, 第一次買外國屋唔熟行情，即使dream house住落會慢慢浮現問題或遲啲先知自己實際需要，咁不如買間平啲易放啲嘅好過
B平啲，但近馬路，我都唔會揀
Location同境觀有錢都冇得搞，姐係好可能以後會再搬。 咁不如買A一步到位。
而家易啲吧、通漲又加息、話當地人都觀望態度、我見到有寫減價….
你應該係專業人士？份工穩陣既我會揀A、話哂dream house 難求、做到按揭分期還影響唔大、你都仲有cash flow
係咪怕有Forward chain, 即係賣家要搵到屋先走？ 有冇得set 幾時一定要成交㗎？
多謝大家意見，呢次係我哋第一次睇嘅外國單位。 我心儀嗰區唔多放盤，或者好殘要大執，我哋唔識搞。 聽聞外國啲裝修好麻煩，俾錢人賺都好煩，啲人好「立囉」要湊。 難得呢兩個單位唔使大執，所以怕會Miss咗機會，又要再等其他放盤。 所以先諗唔100%合心水都去馬
你哋會唔會覺得樓價會跌 或者唔會再大升，所以有時間觀望吓？
我會揀A
因為我地近排都買左and 入住左一間5/6年樓
原本我地都諗住買舊屋（都out bud）但kinda 好彩買左半新樓
only油油就住得
如果舊屋要攪太長時間，可能最後價錢都差唔多
因為咁所以會揀A。
至於樓價，我知有啲新樓係有減價(越近落成越減得多)。
如果你要揀區，就算到時跌，又有冇心水樓畀你買呢？
係，因為咁樣失敗咗兩次。揀dream house揀得再仔細又如何，根本唔係俾offer就買到。又，無chain都好，佢等咗3個月，覺得再賣價會靚啲，反口唔賣又得。
可以試下同對方講幾時之前成交，有時係口頭，有時係成文規定，但唔係個個肯寫。
我而家剩係想係續租前買到屋，唔洗最perfect ，滿足基本條件，同快手就好。
我未移民，但最近開左offer買咗層英國樓。主要係budget啱，區份啱，覺得再等只會越來越少選擇。
而家英國樓市有剛性需求，我睇好㗎~
FYI,我第一層樓（香港）2009年頭買，當時人人都睇跌，我觀察咗三個月，想買嘅價位完全無跌，甘就入咗市。結果如何大家應該清楚啦。
我覺得未來半年係好時機
利申，由2021年12月開始睇屋，睇左10間到，但一直bid唔到或唔合心水。7月開始放棄，因我地未到當地，而且睇mumsnet 知當地有cost of living crisis，mortgage高香港好多，同期Rightmove 貴價樓或Terrance 唔易放.
9月有agent email話我地之前俾offer個間fall through, 問我地仲有無興趣，所以我地以合理價買左間上車盤，間屋係10月completed.
11月又有另一agent打黎話我地view嘅屋fall through, 問有無興趣，呢間高質，價錢合理，6月時有幾個買家bid多過10%, 而我地只係offer 多5%所以當然衰左。但一間幾個月前爭崩頭嘅屋，到11月居然主動問我地要唔要（用我地嘅offer價）。可惜我地個時買左上面個間，無緣份
Anyways, 屋係要買，只係唔好急。唔洗下下諗到2009唔買，就fast forward 去2022。睇多半年都係2009下半年啫～
比個限期自己，咁就會成事。我都覺得呢排少人出offer，我係一擊即中。祝你在新居有個愉快生活～
比我要A.
舊屋視乎幾舊, basement若然有滲水粉飾過後你未必見到,結構有無問題? 屋頂瓦片/窗有無換過? 要執可大可少, 勁煩.
我都有留意樓盤，小小意見。
最緊要問題，A/B land title 有冇唔同，係freehold 定long term lease ?
你話單位差唔多大，接返上個問題係塊地（獨立屋？）差唔多大定單位面積？外國freehold獨立屋大部份價錢都係地價，如果都係好區，地又差唔多大，A貴一半，雖然新但係要諗下用差價整B 會唔會更好。
既然係dream house又負擔倒可以搵人估價，bid 個合理價或者高DD，外國買啱心水自住屋唔易，我區為例啱心水又負擔得起放盤一年得幾間。估價應該都係三五千港幣我唔會慳。
裝修要好注意公司背景，一鑊泡經常有，親戚拆爛咗半間屋builder 走佬，搞咗兩年先完工。
同意，其實英國每年冬季都係樓市淡季，需求同樓價慣性會下跌少少
本地供應依然短缺，尤其好區個價一直企硬，當然通漲會短期影響入市心理關口，但長遠我都睇好英國樓市