渣打銀行信用卡爆盜用危機！東網今日(7日)接到多名讀者反映指，他們的渣打銀行信用卡被盜用，明明人在香港，且沒有消費，卻不停收到短訊通知信用卡有消費紀錄，更甚的是，苦主們欲致電信用卡中心報告事件及取消信用卡，信用卡中心卻一直線路繁忙無人接聽，感到十分徬徨。有市民呻其信用卡短時間內已進行17次未經授權交易，每次約9元美金，即折合涉款共約1,190港元。
渣打香港發言人回覆東網查詢，未有回應目前有多少客戶或信用卡受影響，僅表示如客戶發現未經授權交易，可於網上理財或SC Mobile即時封鎖信用卡，以及於一個月內為已入賬的信用卡交易提出爭議請求，該行會聯絡客戶跟進，及按機制進行調查。若確定並非持卡人授權的交易，持卡人毋須承擔責任。對於客戶致電服務熱線或需等候較長時間，對受影響之客戶致歉。
讀者陳先生指出，今日知悉兩位朋友的渣打信用卡被盜用，打了兩個小時電話才有銀行職員接聽，而他自己早上亦收到短訊，指其信用卡有可疑交易，已被攔截及終止，他欲致電信用卡中心了解，但一直無人接聽。另有同姓陳的讀者表示，一收到可疑付款通知已立即致電渣打，惟熱線一個小時無人接聽，至今仍未能停用該卡，批評渣打無專門熱線處理，亦無系統攔截細款及密集式交易，怒斥渣打欠缺危機應變。大批網民湧入渣打Facebook專頁投訴，亦有人在其他專頁發貼討論事件，有網民指昨淩晨一時起收到短訊提示，指信用卡有一項18元美金的交易，至昨早8時，再被盜用8、9元美金，多次交易累計達折合400港元，與同事商討後，發現對方亦有相同情況。
應該會退返/終止交易？
不過打唔通好有問題
我都試過，電話又冇sms話交易左
但card centre打黎問我有冇做過3單澳元交易
金額唔大，不過冇做過
佢就話同我除消交易同cut card
好快手
其實成件事正正係因為銀行為咗慳皮，細額嘅交易唔會核實就過，加上黑客好醒，每次過數唔大，少少咁過，因為額大未必過到，我之前試過俾人盜用，銀行打嚟話我知，即時幫我cut咭，之後退返錢俾我（但等咗成兩個月）
今朝收到短信通知，有可疑交易（港幣七十幾蚊），
揸兜即時阻交易，
今朝打熱線電話查詢（失敗），
晚飯時睇到新聞報道，
飯後自己係揸兜網站鎖咗卡，
保障返自己先⋯⋯
原來可以自己鎖卡？我都用緊成張卡。。。好驚呀。。。
唉，今日咁啱想login check嘢，點知入錯咗密碼，跟住記得返正確密碼就已經入唔到，唔知係因為我入咗幾次所以鎖咗定點
打去hotline又唔通
黃昏就見到依單新聞，唔知係咪覺得我戶口有問題所以鎖咗
信用卡過數，會有短信通知，
網站可能多人用緊⋯⋯塞車，試多幾次，唔得就落銀行問。
渣打app？好似可以自己從頭set過ibank ID &密碼？
試咗reset，入完晒資料話唔成功，叫我打去hotline
出左SMS 話非授權交易應該唔洗找數,所以唔洗咁驚
我琴晚1點半, 收到個SC BANK 既SMS, 話AMAZON US 錄左我HKD471.55
我嚇到跳起, 禁快輪到我???
但我諗一諗, 大部份既CASE都係錄USD… 點解我係HKD…
我再諗多諗, 醒起我3日前真係響AMAZON 買左野… 再睇返倨EMAIL 真係471.55 
嚇死呀喂~
system
於 關閉
15
該主題在最後一個回覆創建後90天后自動關閉。不再允許新的回覆。