我睇到覺得好AMAZING… D 照片P 圖P到…一睇就知係假… 仲好意思上電視叫大家幫手搵人?? 尋回真愛??? OH MY…
https://hk.news.yahoo.com/東張西望｜女子被情騙賣樓呃走-160-萬仍未見到對方一面-相信對方深愛自己仍望團聚-034605553.html
《東張西望》截圖
《東張西望》前日報道一宗網上情緣騙案，事主陳女士被騙子Eric甜言蜜語蒙蔽，不惜賣樓幫助對方，不過陳女士仍相信對方深愛自己，希望節目可以幫手搵到佢。
Eric早前於社交平台主動私訊陳女士，表示自己係聯合國整形外科醫生，並於戰地工作；感情狀況係單身，但有一名女兒。二人愈傾愈投契之際，Eric講到自己現時處境好危險加上女兒有急病，好想離開戰區，但奈何戶口被凍結，於是希望陳女士可以擔任掛名老婆申請佢調離戰場，著陳女士畀5萬元幫佢申請調離戰場；及後Eric又指由於所在地係禁區，只可以坐私人飛機，加上需要有另一個人頂替佢職位，計計埋埋要畀160萬先走到；表示之後會買間大屋畀陳女士好好生活，陳女士救人心切，於是賣樓套現匯款予對方。
陳女士以為會見到Eric平安回來，但Eric指自己被他人放入違禁品於行李中，於機場被捕，仲向陳女士發送自己於獄中嘅照片，透過律師通知陳女士要多付85萬先可以救返佢出嚟。陳女士對此起疑心，決定暫時唔畀錢，又發現Eric嘅個人照原來係一名菲律賓著名演員Enrico Smith Quizon嘅照片，於是追問Eric，對方則指自己無表明明星身份，係因為怕陳女士唔同佢做朋友，希望陳女士先幫佢脫險，回港後先向佢解釋，又指菲律賓嗰位先係戴住面具造假。《東張西望》發現Eric嘅坐牢照係P圖，又曾私訊Enrico Smith Quizon，得到對方回應指，有好多人盜用佢嘅相，又表示自己家族有名望，唔會行騙影響家族名聲。不過，陳女士於《東張西望》訪問期間一度忍唔住落淚，心痛Eric要坐牢，又向《東張西望》主持王嘉慧表示，相信Eric嘅遭遇係真實存在，及認為對方對佢嘅感情係認真，依舊想接Eric回香港團聚，王嘉慧表情大感無奈。
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
哈~呢個女人都真係太易呃
坐監張相真係假到呢…… 
1個讚
同意呀… 唔呃佢都唔知呃邊個… 掂都未掂過, 叫我賣樓救佢… 痴線架… 
1個讚
個女生病張相… 都假到爆啦… D 頭髮都唔夾…
1個讚
蠢到咁
唔俾呢個呃都會有第二個人呃佢
3個讚
最好笑係仍然相信… 仍然好愛… 仲要叫大台幫手搵人…
真係…好正呀
1個讚
我… 想問佢要唔要契女…不如比我呃下…好唔好… 
(just kidding)
2個讚
真係唔明呢類人個腦用咩構做…
ON9無難道, 監獄張相好好笑 
1個讚
好陰功，要幾寂寞先會唔肯相信呢個係呃錢case嚟
1個讚
呢D尤佢啦，無得救，連基本常識都無
坐監坐到笑瞇瞇咁
1個讚
該主題在最後一個回覆創建後90天后自動關閉。不再允許新的回覆。