Hello 又係我呀，上星期驗到好淺色嗰個，多謝大家幫我眼，真係bingo 拎到懷孕證明啦。
我book 咗下星期先睇婦產科，諗住呢段時間自己每日驗，確認bb 仲喺度就ok，點知呢幾日驗都仲係好淺色，好似一路都冇深過咁
大家有冇類似經驗？係唔係化學咗呀？
如果化學咗會幾時嚟m 架？
1個讚
Hi 我係之前話同你支棒差唔多淺色嗰個，你試吓用其他棒驗，我之前用綠d就一直淺但用其他就深少少，你係咪用晨尿去驗？
我都懷疑係d 試紙唔准，我有用晨尿驗有夜晚驗，深色啲嘅反而係夜晚，好奇怪，啱啱都貴少少買咗clear blue電子，驗到係2-3week，個人放鬆返少少，希望冇問題啦
所以可能試紙問題啫，唔好太擔心
多謝你呀
唔使客氣喇，我星期六都要去照先知生得岩唔岩位，同埋之前太多婦科病，好驚影響到佢，都一直有擔心
驗孕試紙技術成熟，可放心，出到線就係小便中有 HCG 呢隻hormone
但有HCG 又真係唔一定有BB…
當年，我check到好淺色，嗰日個肚又痛，book咗個65+嘅產科睇，即日book 都睇到，好極有限，結果佢部Ultra sound 睇唔到野，叫我一星期後再去
一星期後，都照唔到，佢唔俾我走，因為我有保險可claim，一方面佢唔知點寫，另一方面佢怕我接受唔到… chemical pregnancy 呢樣野
咁我真係落到街大喊…
打俾醫生朋友，佢叫我book另一個醫生睇下，我book 到仁安診所next day，人地部機一睇就睇到個胎！
anyways, 唔好自己嚇自己，最好就足wk6 先去照，實睇到
後話，之後計預產期，個胎細，計出嚟bingo 嗰日，係我自己test前幾日，即係真係好低hcg
第一
要隔日驗
第二
你要排得好啲先對比到
祝痴實🫰
放鬆心情唔好諗太多轉牛角尖，要保持正面思維
去到呢個階段無需要再日日驗喇
去醫院個日自然會知道結果
2個讚
多謝你呀！
不過我有對齊㗎啦，我係對齊咗佢control嗰條比較深色嘅紅線，只係本身d 試紙印刷唔整齊
你睇下面張相就更加明顯
Btw 我已經證明咗啲試紙係唔準，我啱啱今朝用晨尿一次過同一杯尿浸咗八條
俾大家睇下 cls
真心呼籲大家唔好買呢個牌子，有乜理由同一個時間同一杯尿，結果可以差咁遠，真係心血少D都俾佢嚇死
快啲丟咗屋企存貨佢啦 
1個讚
玩完丟晒啦，買過另一隻牌子算，真係平嘢冇好
喺度都提醒下大家，唔好買呢隻
https://www.hktvmall.com/p/H9359001_S_BWC800144
大陸野
我試過第二日仲淺色過第一日
唔好再驗啦⋯⋯
一杯浸8支會串色架
就係咁，嚇一嚇 已經唔係淘寶，估唔到都中晒伏
串色 邊個教你架
嗰d 唔係顏料，如果串色就係試紙靈敏度嘅問題，準確嘅試紙唔應該會出現咁嘅情況
唔係邊個教
係經驗分享姐
你咁擔心可以直接隔日抽血驗hcg
唔洗驗呢啲
多謝關心
我昨日已經用過另一牌子counter check, 然後亦都放心咗，都有喺個post 度update 到
繼續喺度同大家講係想提醒大家，如果有類似情況，都可以查證試紙嘅準確度
你三番四次質疑我的做法，我都唔理解你目的何在
-
你話應該要隔日驗，其實隔日驗定日日驗唔應該影響試紙準確度，最多只係hcg 值未翻倍而兩日嘅深淺度冇分別，但好明顯我唔係咁嘅情況
-
你話我冇對齊d 試紙
唔回應啦，都唔係重點 -
你話會串色就更加荒謬，同一時間用幾多張試紙都唔會令測試唔準確嘅
可能你只係為覆而覆，我尊重你發言嘅自由，亦非常多謝你嘅關心
但我只係想提醒大家，用hcg 試紙要留意埋品牌靈敏感及準確性，而呢樣嘢唔應該受測試嘅頻率影響嘅。祝準備懷孕嘅各位準媽媽都順順利利
2個讚
係中啦，唔好太擔心