越南一間戲院早前推出的任裝爆谷活動，吸引當地市民捧著臉盆、水桶大排長龍載得盆滿砵滿。台灣業界響應，喜樂時代影城高雄總圖店昨日（3日）開幕時，也搞同類活動，當日只要購買兩張戲票加50元新台幣（約13港元），即可參加「自備容器爆米花裝到滿」活動。戲迷自然不執輸，一人一桶、一人一盆的在排隊，更有人乘機做公益活動，帶同巨桶入滿後再分發，與眾同樂。
見到「自備容器任裝」活動的盛況，香港網民第一時間「以為是制水」，有人「諗起以前Pizza Hut個沙律Bar」。「任裝」聽來相當興奮，卻有實際的網民表示會「食到生飛滋」，「叫佢哋畀一半算數，因為真係食唔晒～」、「拎咁大個容器，食唔食到咁多爆谷呀」、「老實講，食得晒至好拎，否則咪又係浪費兼顯盡貪心本色！」，另有人建議「應該加多條例，食晒先准起身走」。
