我今年已經4X
我響本行已經做左OVER 20年, 亦上到高位.
我係靠行內經驗打出自己名堂的, 而運氣唔錯, 事業算係平步青雲.
其實我3X時已經想讀書, 增值自己, 但當時孩子仲細~ 所以無時間亦唔想花錢…
到而家4X, 孩子都大喇… 唔再困身.
今日的起心肝去報HKU SPACE 既一個行內專業文憑, 讀完如果有心有力我想再上行內DEGREE.
同我FRIEND 既同事知道後, 佢問我點解咁既年紀響公司做到高位, 點解仲要讀返本行既書…
當然, 我有想離開呢間公司既諗法, 所以先想咁樣做, 而且, 我一直心願都係想讀返個DEGREE… 我成日都好自卑自己學歷唔夠好.
同事們知道我一直係想讀醫護界別既野, 第時退落黎唔洗養家時可以有一技之長又幫到人.
佢地覺得我, 根本唔需要再讀本行既書, 應該要為興趣去讀醫護界別既野…
p.s. 我捱多8年, 孩子都出身上大學了…
以你呢個經驗，讀返個degree應該兩年內搞掂，讀啦讀咗無壞
我都覺呀, 睇你咁講, 你同事都好尊重你, 你即使冇本行嘅degree都好夠。其實mature student本身已經做緊果行,又唔係要拎資格都冇必要由低讀返上去。講學歷, 咁多年經驗要讀都應該讀master。
如果要由低讀梗係讀自己想讀架啦, 怕你讀返本行又覺得太初級。
我覺得係體力同腦力問題，克服到就可以
不過喺字裏行間睇得出你好有心
我會揀讀醫護
鼓勵你去讀書，既然細路大了，你係時候揾番自己。
但為事業而讀，還是為自己興趣而讀，真係難決定。
呢啲年紀工作上唔需要你有高學歷或轉行都唔會因為你學歷而壓你價
咁讀自己興趣比較好…
至於醫護界別唔知你想讀邊樣, 有啲係需要體力呢方面都要考慮下, 如果
你平時都有運動開應該問題唔大, 如果唔係就要而家開始做多啲運動增加
自己體力…
正是~
的確, 我響呢一行, 我就算無DEGREE, 我仍然可以搵到工作.
如果我繼續由響呢間公司, 我地位都唔會係問題.
只係, 我覺得, 我有經驗, 只差學歷, 如果有埋學歷, 行內業務生涯就好完美.
但的確, 距我退休 (退出呢行) 既日子, 都唔遠… (50歲前)
我心願係做醫護, 那怕只係醫院既助理. 但我亦有一個心願都係成為一個大學生而憑住我行內經驗係最快可以拎到DEGREE…
真係嗎…
我總覺得雖然我有20+既經驗, 但始終無DEGREE… 未必間間公司肯請…請都未必會同有DEGREE既人同價…
但我有D 有DEGREE 既同事話, 有DEGREE不及有經驗… 我真係唔知…亦唔識…
想讀就讀啦…諗咁多做咩… 無論讀咩對自己一定有益… 俾心機讀啦…
如果求學只係為興趣和完成自己心願，幾多歲都得，以前都見過有啲公公婆婆讀 Open U，但求財就未必有幫助，保住你現在份工，做到退休，已經唔係人人做得到。
我做多5年，仔女都大學畢業，我只係 target 發哥嗰種退休生活，行下山簡簡單單又一日。
呢樣係真… 因為有啲公司係用學歷和薪金掛釣先可以比到
個個薪金你, 同 grade 既有學歷要求薪金就比足, 無學歷就會差小小…
所以睇你好唔好彩遇到既係只睇經驗唔睇學歷… 咁有 degree 唔等於做到嘢…
我自己就會偏向讀自己想讀既嘢, 反正你都做到上晒位, 就算轉第二間同行計既
公司人地都係睇你經驗多… 除非你轉去另一行業就難講…
讀個top-up degree快靚正，正如你咁講完滿返本身個職業，之後再讀其他再算
讀書好！
我姨丈差不多60歲先open U 讀，心願嚟
讀， 因為你講出咗你嘅心願係degree， 你讀返本行係最快， 亦最易拎到degree, 有冇fast track program 可以讀？
醫護之後再讀， diploma應該都ok?
如果diploma你唔ok, 都係想讀個degree
咁就揀讀醫護， 唔揀本行
讀書無分年紀，只要有心讀幾多歲都可以增值，但好現實既係，醫護唔係你想像中咁容易做，尤其無經驗其實年紀有返咁上下入行係好辛苦，好坦白講唔容易，你要接受到屎尿核突野好厭惡同極大壓力既環境工作先考慮轉行，我本身做文職轉讀醫護有做過好短時間，但其實唔係想像中話轉就轉到，除左體力加上心理都有壓力，你接唔接受到？仲有新入行既話，唔難頂都唔會叫你做，因為無經驗你會預左啲麻煩野會射比啲細既做，核突野係可以恐怖到你想像唔到，如果你頂得順就讀啦，但頂唔順真係唔水好浪費時間去讀，我寧願搵一個科目係自己鍾意有興趣，呢個係我親身經歷想分享下咋。
如果係做文職醫護，睇吓你去咩機構啦，如果醫管局，你要習慣佢地既文化，好事非好麻煩要埋堆，由私人公司轉去做會好唔慣
因為我做過醫護助理，又轉過文職醫護，頂唔順佢地既文化。
我剛剛SUBMIT 左APPLICATION 去HKU SPACE.
我諗… 都係HKD150 application fee…
HKU 一直收生都好高要求, 可能都未必收我啫…
如果唔收咩都唔好諗, 如果收先再算…
呢個年紀呢個資歴，見工基本上都唔睇你學歷，不如讀自己想讀嗰啲啦
讀書冇話遲定早，學海無涯