其實呢幾年都冇乜時間煲劇，不過呢套好多人吹捧做神劇，睇完個故仔簡介又好似幾吸引，黃viu又緊貼播，咁就睇下啦，順便睇下"木村接班人"係咪咁靚仔先。
呢套劇係好好睇，個劇本寫得好好，好多令人動容嘅位，令人回憶起好多往事，遺憾事，每集都有喊位，男女主角顏值就ok嘅，係靚仔靚女但未去到神級嘅我覺得，但演技係唔錯，特別目黑蓮演聾人係好似，演得出個種揪心，令人好心痛，上星期因為世界杯停播一集令人好囉囉攣，岩岩日本播左最新個集，希望明天準時有得睇！
做左幾多集？
岩岩播左第8集
Thank you. 我等多一星期先睇
1個讚
我等佢出曬先睇！
我係facebook個啲短片睇咗
不過好似係前上星期嘅事
正當得以為係舊片出晒完咗
先發現係新片
未必會搵原片睇
但想想睇到結局
有追呀！如果就咁故事大綱，會覺得有啲老套，但佢拍得一啲都唔娘，啲情感好細膩，同埋切入嘅角度幾特別，同一般講聽障嘅戲唔同，演唱又演得自然，好多集都睇到喊，但不是賣慘
thx! 剛剛冇乜劇煲
不過你話“每集都有喊位” 我要再諗諗因為家下我既人生都好喊，想搵D開心D既戲比我抽離一下
非常同意，個劇本概念老套，但拍出來一d都唔老套，唔係韓劇個種賣慘，係有好多位俾觀眾反思人生一d遺憾往事，人生經歷越多喊位越多
一次睇九集
係啊，同埋難得佢唔係淨係講聽障人士嘅辛酸，就算健聽嘅身邊人都有佢地嘅難處。
今朝起即刻睇下有得睇未，搭巴士個時睇，淨係睇春尾同奈奈個段都想喊，風間成40歲演大學生仲好鬼似
我都有睇呀, 都係見啲人話拍得好, 日本收視又幾好就睇吓啦!! 佢唔同韓劇既拍攝手法, 韓劇多數都淨係賣慘, 來來去去都係嗰啲套路, 但日劇唔會單單賣慘, 好認同, 可以帶畀人思考! 特別係手語老師, 一直都同聽障人士保持距離, 明明佢可以同佢哋溝通得好好, 但佢深深明白到, 健全既人永遠都唔可以100% 了解聽障人士既感受, 佢就寧願自己同佢哋唔好咁close, 可能係怕自己既無心之失, 會傷害到佢哋…呢套劇我都會繼續追, 唔錯~
睇左下集預告，應該唔止9集，呢套咁大迴響唔會拍9集咁少
睇完第8集，好多喊位，唔係個種愛到死去活來個d，係令人反思左好多野，人與人之間嘅相處，母親同仔女嘅相處，好多動容嘅位但演員係演得好從容，引導觀眾去思考，呢個就係日劇好睇嘅地方，有深度，而唔係一味歇斯底里咁賣慘
阿anonymous 79 講等多一星期
該主題在最後一個回覆創建後90天后自動關閉。不再允許新的回覆。