我同男人兩個年紀都唔細，我37佢41，想有小朋友，想做下孕前檢查，可以一次過做照子宮，丁丁，輸卵管之類嘅檢查？之前見家計會有個孕前檢查plan，唔知好唔好？定係出面嘅化驗所比較好？
我覺得可以睇返經濟情況去決定邊度做，但樓主37就算即刻有已經係高齡產婦，去家計會做都要爭分奪秒，即刻寫信轉去生育科排期架啦
1個讚
好耐以前我準備結婚都係喺家計會做婚前檢查，
如果係護士講解報告係平啲，我覺得都好正常都係照驗同跟返個指數講解
做呢啲檢查應該唔會越貴越好
所以留返啲錢睇中醫調理仲好
我都覺得應該盡快拎左轉介信排政府生育科先
唔知有無記錯
公立醫院好似排到40歲就唔會幫你做iui ivf
可以去睇婦產科診所醫生
講下你既情況
有d 都願意寫轉介信
1個讚
樓主係試左幾耐？定係只係岩岩開始？
孕前檢查係咪指一般婚前檢查？普通嘅都係驗下血同精，睇下有冇機會有地貧呀RH-果啲野？
我岩岩做完iui bingo左，今年34，之前係威院排左兩年先俾我試iui，年齡大啲唔知會唔會俾個快少少既期，但真心可以等既時間唔太多，因為我知iui或者ivf係隨住年齡增長，可以試既野會愈黎愈少，針藥又可能會落重手啲，成功率又會愈跌愈多
我見同期有啲女士都係35或以上，40都有
公家醫院約期從來唔理你返工咩環境，一定要超配合佢啲期先得，又要超配合佢啲治療方法，總之就係要全力以赴，就到最好
所以我勸樓主快啲去羅轉介信排期，唔好扭扭擰擰啦！🫣
1個讚
Yes…我都急急地，年紀大嘛，但唔知何處入手先，平時我每年都有做婦科檢查，但普通婦科應該唔開轉介信俾我，應該做咩檢查呢？
家計會本身已經有生育指導服務同埋會做晒所有生育相關既檢查同初步評估，跟住會幫你寫封信講你病歷同轉介去醫院睇生育科
婦科醫生應該都做到轉介，但婦科醫生始終係睇婦科病多啲，生育科要驗你又驗你老公啲精，唔知個醫生有冇經驗幫你做晒啲檢查先轉介
生育科同婦科睇既野有少少唔同
我想分享一個失敗經驗
千祈唔好搵太子黃X珍
果陣搵過佢檢查卵泡又俾晒其他相關檢查報告 (已包括近期化驗所驗過血入面AMH FSH 等) 佢睇
一個月內睇左三次
第三次問佢拎轉介信佢d 態度就好惡
反問我乜唔係響政府睇左先搵佢
要我之後做佢個驗血套餐驗晒無問題先可以出信
真心嬲
之後我去尖沙咀搵左另一個婦產科醫生
睇第一次已經肯出信俾我
宜家我book家計會check懷孕前檢查，諗住再book埋仁健AMH FSH，之後有晒報告先婦產科醫生睇下有咩意見。。尖沙咀你睇邊個醫生？
PM 左你
我之前有去佐敦抽AMH/TSH/PRL, FSH冇抽
我去左睇私家婦科，佢抽咗一筒血，驗AMH, FSH, E2， Progesterone…但驗FSH唔係要MC第二，三日驗準嫁，佢問都冇問就抽血，仲冇講驗乜
係啦~
好似一個係M 頭兩日
一個係M 後十九至廿一日
可以一齊驗既咩?
係囉，好似流流地咁，咁就收左我2000蚊，仲要check得咁準，sad
我情況好似你咁，我唔知點樣入手，
只係知要去做檢查
FSH好似要睇幾個cycle嘅data
下！check咁多次？！果度M前抽血驗，個醫生就乜都冇講，只係話正常。。問佢點解M量咁小，仲答冇得解
嬲到爆，睇完等於冇睇
AMH會比較準
啱啱look到呢個thread… 過咗好耐希望各位jm仲會睇到同解答到，因為我有關於驗血問題。話說去咗查詢IUI/IVF, 上個月做咗好多檢查，其中一個係驗AMH, FSH呢d指數，驗完話我d指數好差，建議我做IVF, 之後我同老公要畀錢返去聽姑娘講解(但結果主要係睇video…), 講講下我話我食緊中藥，姑娘即刻話做IVF唔可以食中藥(其實我唔係打算同時食，只係做IVF前調理下，但佢都話唔得), 然後話我上次驗血d指數喺中藥影響下都唔可以作準，但因為做IVF個流程，本身step one都要再驗呢d指數，所以我諗住到做嗰時先再驗(因為驗一次都$2000幾), 姑娘都話ok, 但之後醫生就打嚟，叫我即刻停中藥，然後嚟緊個cycle再返去抽血驗多次d指數，但其實我係打算8月先做IVF(因為7月有個大project我唔想工作壓力大有影響，又或者打針嗰d不適影響工作), 本身醫生打嚟叫到我都冇反問佢點解，但諗諗下係咪有必要今個月又返去驗多次，就算上次d指數有畀中藥影響(主要講緊FSH), 咁我再驗多次最多都係見到有變化啫，AMH係得1.9就係1.9, FSH點變我都係差架喇，都係要做IVF架喇… 幾百蚊就話啫，成2000蚊喎，玩咩… 係咪有必要再驗多次？大家嗰時做IVF之前驗咗幾多次呢d指數？