純粹想connect一下移民港人，學多啲嘢
生活、天氣、飲食、學校、職場、文化等等如何？
同英國有咩唔同？分享下
2個讚
我因為先生係澳藉關係啱啱批左TR，雖然無咁快會正式過去
但幸運地今年啱啱喺香港轉左去做外資，有半Team人都喺澳洲
期待未來可以internal transfer過去就唔洗擔心工作
暫時我睇我D澳洲同事都係比較Chill, 都係行緊Flexi working
佢地可以開會開到咁上下因為要接小朋友/接小狗而Drop Off（講緊Within Working Hours）
眼界大開 
我以前係澳洲讀書，覺得天氣同飲食方面澳洲真係算係咁
大城市野食都多選擇，約30-40蚊一個main dish已經係好食
Tips就隨你比唔比 唔會人多d就會收貴d tips
所有價錢已經係after tax，感覺上出街食比英國平
但煮飯的話食材英國應該平d （睇梁芷靈既感覺）
天氣夏天可能有幾日會超級熱到40度
但係都係乾熱 留喺室內都唔算太難過
不過呢幾年厄爾尼諾現象，東岸落雨落到痴線
水庫滿晒，D低窪地區真係年年水浸都浸到上屋頂 
2個讚
係多倫多住，暫時仲未習慣係天氣，11月巳經零下幾度，1，2月最凍零下廿幾度。
其他生活都好適應，未有車都幾唔方便，要下下搭巴士地鐵買餸，但買野其實呢度乜都有，出街食同英國一樣貴，自己煮多不過呢度好多好好食既餐廳，可能同英國唔同。天氣就係乾凍唔似英國咁濕凍。
英國物價比多倫多貴40%（南部計）人工反而高30%，雖然通漲好利害但識得精明消費都慳到錢。
1個讚
零下幾度要等巴士點頂呀？
英國物價邊方面貴過多倫多咁多？照計多倫多物價都高㗎喎
著夠衫唔係咁恐怖，有巴士apps 睇時間出門
So far 都唔會脫班太多，間唔中
物價指數係租屋，日常生活等消費，加拿大六算，英國九算，整體係加拿大平啲，多倫多物價貴，但比較兩個地方英國貴啲
我朋友佢係英國住，黎多倫多住左一個月比較物價都話呢邊平啲！
呢個就係英國唔好嘅地方，成日skip一兩班，好煩惱
澳洲係贏呢度我好喜歡Melbourne
兩度都住過，加拿大比較國際化，依家都係。2/30年前覺得澳洲好鄉下，依家好咗好多，Sydney 完全冇鄉下味，其他城市唔知。有人話澳洲有種族歧視，又係2/30年前係感覺有小小，加拿大完全唔覺有，依家我諗兩邊都冇。特別係加拿大，只要你肯融入佢會當你係自己人。天氣大家知，兩度同香港比都極乾燥，試過瞓醒覺成咀血原來“爆拆”。兩邊都唔物質化，有朋友話澳洲人先敬羅衣，會睇你揸乜嘢車，我就兩度都唔覺。飲食好似澳洲貴啲，自己買餸出街食都係。加拿大公立學校唔使著校服，澳洲要，有啲校區9成華人學生，兩度都係，細路讀書要留意下。醫療我覺得加拿大好啲，Ontario Ohip 好好，澳洲公共醫療一般，最好買保險。職場澳洲早返早收，好多工種7/8點就開工。效率同做嘢交帶都比想像好，特別係鬼佬，大陸人同南亞我覺得非常麻麻。
3個讚
好凍……行街只可以行地下通道？
請問澳洲醫療有冇得揀私家 or 政府？加拿大好似如果有事入院只有政府，冇得揀私家
如果有得揀我都鍾意澳洲
無咁凍天氣好
1個讚
又無咁恐怖既出門著夠衫唔係想像中咁可怕，不過大風雪就唔出街架啦，有車係好好多，揸車出入，周圍有暖氣
而家未有車係等巴士凍，不過又未至於咁可怕，身體會適應
我有朋友都冇車，零下廿幾度等巴士已經習慣，好勁
我住左多倫多三個月，都覺得呢度比較國際化無乜歧視，因為佢地地都習慣多元文化，暫時都好習慣。
澳洲我聽朋友講歧視有但唔會做到咁明顯，因為未係澳洲住過評論唔到分別。
1個讚
其實住耐左就慣架啦，最凍係溶雪，2月最凍
公共交通真係好多脫班，多倫多既地鐵都成日壞左，會無端端上車就壞，一壞就幾小時
1個讚
Canadians出名友善，我都想去感受下
我加拿大朋友話嗰邊有大量老華僑藍c好難頂
係呀啲甘草演員退休聖地，個個藍到黑，例如岳華
唔單止演員，朋友話嗰邊華僑包括佢d親戚大部分淨係睇tvb同藍紅台新聞，好多藍到黑上晒腦
1個讚