親戚唔夠30 呢排周圍吹一個月搵10萬8萬 就黎買樓 知佢作大 入行得幾年又唔系下面一班人跟佢穩食 個個做保險 真系咁好搵？
做到嘅一個月十萬唔奇
1個讚
曾經得，而家難開單，靠以前儲落
保險佬靠吹嘅啫
個個都經理,個個都拎好多獎,知道實情嘅得啖笑
12個讚
得㗎以前…
如果識得多有錢人，月入六位數字係可能嘅。
1個讚
唔排除真
但冇得check
大把有錢佬走, 大陸又冇水, 我偏向唔信
同埋保險佬9成9都係吹水佬
唔吹勁D又點吸引人同佢買保險
3個讚
又唔係老屎忽 無舊客 入行幾年揾到呢個數 吹水唔抹嘴 當人傻
老屎忽都未必搵到掉萬揸個月，保險呢行無定律，新人搵到十萬係有可能
親戚4~5年前做保險，專做大6人，前年買樓、送女去UK讀大學
林作一個月好似搵30萬。
好多國內人來香港買保險, 一來買多個保障, 二來洗下錢…
2個讚
後生又年資短嘅，做到咁好收入嘅全行應該都冇乜幾多人
其實近年啲客都係北水多，工作關係認識一啲大行嘅fit馬都係新港人，可能佢哋鄉下有成條村嘅支持者，或者有啲幹部、富豪級朋友，早幾年啲國內人買乜都唔手軟，啲保險產品又多咗好多花臣去吸佢哋啲金，所以呢班A準早幾年真係揾到盤滿缽滿，何止一個月十幾萬，好多年薪過百萬，我見過有啲人搵到可以住幾千呎House…
不過又咁，封關之後就斬晒財路，以前好叻嗰班應該都仲有得維持住，但靠本地客嗰啲就應該唔C唔爭幾，無糧出都仲頂得住嘅，而家保險公司都仲可以由得你唔炒人，頂唔住嘅，可能都已經轉咗行！
1個讚
一張單可以抽到幾多佣呢？
豬肉獎，但其實我唔知豬肉獎呢個名點解，應該類似隨便比個獎，係人都有既意思
我諗豬肉獎嘅典故係來自圍村分豬肉，意思你講得啱啱，即係人人有得分咁解
我只知做呢行一定要面皮夠厚
有個舊同學、十年前八年前轉左做保險、招呼上面突然發左達嘅土豪、佢話上面好多土豪好有錢、但又唔知點處理、所以會好信「香港」上去幫佢地嘅人。
佢話張張單最低消費都成千萬、佢就有1%佣抽、見到之後幾年、又獨立屋、又坐頭等、又狂買H、我估就算扮同充（放相上網比佢啲客睇到自己幾掂）、點都係揾到咁上下先影到咁多咁物質豐盛嘅相。
身邊既人都好勁,但自問唔得，唔夠厚面皮
都要佢本事有辦法搵到上面d土豪
1個讚
我都覺呢個先係目的
洗番乾淨d 錢先