而家每日訓床，日子過得好慢。想搵同路人一齊行呢條路。希望今次可以同大家行到尾 
之前兩次流產，第一次有胎無心跳萎縮左。第二次有心跳第十週胎停。 （本身工作都要多走動，加上自己衰，兩次都無特別介口 ） 
而家終於第三次，未有之前我同自己講，如果再有bb 我一定要萬事小心，即刻停工，日日訓床。點知驗到有左頭兩個星期，基本上日日出街同朋友食飯，無點介口。第二個星期仲要開始流啡，每次出街夜晚返到屋企都有少少啡，都仲唔識驚，繼續出街….如是者，流啡流左大概一星期（好少好少啡色分泌物）
終於到第一次產檢，如果計LMP應該係6W1D。去到照肚面，淨係照到胎囊入邊咩都無，醫生話得五週左右size…. 即刻打定輸數，因為知道自己經期好準，唔會遲排卵。過兩日去睇中醫，中醫竟然同我講話嗰脈像好好 叫我唔好放棄！不過都想求個安心，其實都約多個醫生過幾日照多次，中間呢幾日我就真係超乖日日臥床戒口養胎。（第一次產檢嗰部機 明顯舊過第二次嗰醫生好多好多 好似連心跳率都無
）
點知奇蹟真係出現！過幾日再去產檢已經有閃閃size 6W5D!! 真係好神奇 我諗之前係個天整蠱我 同埋提我一定要好好休養
所以之後我勁乖唔出街戒口，每個星期都去產檢，都超on track咁生長 7W5D 8W5D 10W6D…
啱啱戰戰兢兢咁去左婦健做NIPT, 其實去之前有啲陰影，因為上次就係去做T21（中大技術）嗰陣照超聲波發現胎停…. 多謝上天眷顧，今次見到bb踢手踢腳覺得好神奇
不過今次我揀左nifty pro+ （華大基因），除左檢測item同t21 advance 一樣之外，仲可以另外加錢驗隱型遺傳基因，我同老公覺得都值得驗埋。
多謝大家睇到最後，希望可以同大家一齊行呢條路！備孕中/懷孕中/差唔多預產期媽媽都可以say嗰hi呀
另外想問下，有無媽媽都係婦健做nifty pro+ , 大概幾日會收到電話通知？（都有少少緊張，話曬都係第二關）
6個讚
唔好太大壓力⋯好好享受大肚既感覺，真係好奇妙架！太大壓力對你身體唔好，而且仲有幾個月先生⋯仲有好多關要過，生左之後你成日咁精神緊張仲，有十幾年你捱！
養胎好簡單食烚蛋同飲奶最有益！食完會寒涼宮縮果啲先唔好食，你介太清Bb出世好易有食物敏感！
3個讚
恭喜，瞓多啲啊，長胎的，我陀阿仔時無時無刻都眼瞓，狂瞓，仔出嚟都大隻仔，3.99kg
2個讚
我都係 日日超眼訓！係一路都會咁 定係淨係1st trimester?
另外祝你bb身體健康 快高長大 
全個孕期都好眼瞓所以要瞓多啲，bb出世到時就要爭取時間瞓ga la
我仔今年8歲喇
2個讚
你last period幾時？ 知唔知自己幾時排卵？
去左第一次產檢未？
放鬆心情 等你好消息
計落今個week已經7週，就因為上個星期6week幾去照，醫生話size得5週左右，叫我兩星期後先再去照，到時已經8week幾…好想今個星期就去照，不過又咁諗，早照遲照都唔會改變到啲乜，唯一要平靜自己個心
今次係我第五次bingo，前四次都……
如果唔係宮頸短的話其實訓床係冇乜用，本身係dna有問題就點都會冇，呢個係大自然定律，反而多d出去行下伸展手腳呼吸下新鮮空氣仲好，訓係床唔出街好易唔開心。另外戒口真係唔使，除左寒涼宮縮食物之外咩都可以食，盡量營養均衡，因為戒口與否同bb健康係冇關係。
Nifty就好似2個星期左右姑娘會打來話報告出左已經email左俾你，個bb冇野，詳細自己睇返咁樣。
2個讚
你第一次照醫生部機清唔清？（我第一次嗰醫生部機比較舊 第二次嗰醫生部機清勁多 所以差好遠）
如果你係照到五週size胎囊
我覺得你可以隔一星期 搵第二個醫生再照
唔洗等咁耐囉囉攣
你之前嗰幾次去到邊個情況？你同先生有無做過咩檢查呀？
Jacob
14
傳好孕先
第一次懷孕係空心胎
宜家BB已經一歲
每次產檢都好戰戰兢兢
祝福你
1個讚
Thank you! It means a lot
傳埋比 @bobobabie
2個讚
唔清呀，不過總算見到個營養囊。之前3次都係6週……
第4次可能係化學，醫院都唔洗去，今次完全係全放棄嘅心情下有咗，所以開心同擔心集合埋一齊，我好需要集氣因為有咁多次"經驗"醫院已經同我做哂所有檢查，總結係我年紀太大，我唔知個天究竟想我有定想我無
有營養囊係好消息呀！我今胎第一次照嗰陣 連營養囊都無 臥床幾日後咩都有齊晒 真係好神奇！
Let’s hope for the best!!
另外你有無睇吓中醫調理下？我今次bingo之前都睇左差唔多一年中醫
1個讚
真係好多關
