前日發現廚房枱面一堆啡色好細粒既昆蟲，細到好似粉狀咁，如果佢地唔郁緊，都唔知原來係昆蟲黎。即刻搬開d野用漂白水抹，但轉頭又唔知係邊走返出黎。尋晚再試下噴環保酵素，但都唔多有用。漂白水抹完加噴酵素好似少左d，但都仲有好多走出黎，個範圍仲越黎越大，好驚搞到其他位置都有
唔知有無人有同樣情況？可以點搞？
似係喺啲食物放太耐"吽"出嚟. 我都遇過. 通常係啲麥皮/通粉嗰類食物.
我成包食物掉晒再抹就冇再出現過.
你要檢查吓廚櫃邊啲食物係罪魁禍首呀
可能是卜泥，是潮濕引致的
當年我揾 曾sir 買左支野，一次搞掂。你試下揾下Spectrum，又名澳洲綠水 （當年幫曾 sir 買非原裝細細支，這名是剛google 番來，你再自己研究下係咪呢支同點用）
1個讚
請問你點樣一次搞掂？
我屋企每年春天都會有，雖然唔係好多，每日返到去都總會見到六七隻行嚟行去。
我都有買呢支澳洲綠水，但係主要係輕輕咁噴，話有氣味喺度，佢哋就唔會再嚟，但唔係好見效。
年代久遠，印象中係用膠紙輕輕黏走佢哋，再落曾sir 支野，隔兩三日再落一次，期間注意通風，詳細唔多記得，但之後十幾年真係無卜泥出現過
平時就係勤抽濕，熄左冷氣唔好即開窗開門，等溫差減少先開
另外，我當時裝修牆身用日本漆而天花用駱駝漆，發現日本潻問題小好多，無論發霉同吽卜泥都係，可惜當日裝修佬為左慳施工時間而偷雞用駱駝漆
1個讚
食物就無出現呢d昆蟲，我睇過米缸都無。佢地係枱面周圍走，我呢幾日已經搬開晒所有野，枱面已無任何野，晚晚返去都抹一次，用漂白水抹完都無用，轉頭又唔知係返走返出黎。無處不在
今晚返去再搵下其他廚櫃有無先得！好煩啊！日日都要返去同佢地死過
尋日上網搵資料，都見有人講澳洲綠水。但我有養狗狗，唔知用唔用得，謝謝你，我研究下先，總知乜方法都試。個d野無定向，都唔知邊度黎。蟻都話有條蟻路，佢地細到粒塵又無固定路線，都唔知點搞好
係咪要日日用綠水抹先有效？我發覺抹完一個位好似無晒咁，再抹另一個位。返轉頭睇第一個位又會見到佢地
我廚房係半開放式，以為夠通風，但個窗封死左但其實又唔覺好潮濕。其實尋晚打開sink盤下面個櫃，都見到一粒粒好似木碎咁既野但唔郁，又唔多似係昆蟲，唔知係咪個度生出黎
之前唔識，用布抹走佢地。尋日上網睇，原來係唔可以㩒死佢地，會留氣味引其他同伴，唔怪得我越抹越多同擴散左。尋晚先識用膠紙痴走佢地，一返去已痴走幾十隻
日本漆係邊個牌子？立邦係唔係？
如果你肯定那些是卜泥，就可以對症下藥了，而且好多昆蟲死左陣除都惹同類架
我約二十年前係用立邦唔知幾合一，唔知現在興咩呢！
但係好似唔會消滅到d蟲，而家最驚會傳開左。
都係用立邦或者多樂士，最大路
如果係卜泥，我上一間屋遇過，初頭唔識就咁抹，但抹極都有。上網睇完，教用吸塵機吸，之後再用漂白水抹，每隔一陣就抹，連抹幾日，就冇再見到佢地lu。
而家每晚用膠紙痴走晒，再用漂白水抹幾次。其實d蟲呢頭痴完轉頭又走d新既出黎，仲要唔知邊度變出黎。我部無線吸塵機，要自己倒塵盒，我驚倒唔淨佢地會係吸塵機繁殖，唯有用膠紙
唯有做斷捨離，掉晒d野同食得既野，留返少量會用既野，每日抹櫃同抽濕，好崩潰
勁抽濕好喇，唔好成日抹櫃，有少少水份都有機會再吽出嚟，佢哋係因為濕同發霉而出現㗎。
我都試過好多方法，用風筒吹，乾燥機…
暫時用抽濕+澳洲綠水效果叫做好啲。
而家秋冬可以鬆一排，春天、回南天又要戒備
但係而家唔潮濕先黎爆發，暈。反而春天時又無
有諗過搬晒d野出黎，日日噴漂白水入櫃，正至無晒先搬返d野入櫃，但唔知要幾耐時間先清到
澳洲綠水係咪官塘個間先係正貨？
蟲真係好煩惱, 我屋企有蟻成日都有，一有少少味就走出來，煮完飯又走出來好煩
如果係啡色嘅, 我估多數係"藥材甲"多啲, 卜泥應該唔係啡色
你可以上網search下係咪咁嘅樣
除咗米缸，仲可以搵下其他放乾貨嘅地方（豆／𣹬類）
應該其中一包吽咗出嚟
要搵到源頭先