想問下有中學生家長
中學生通常訓幾耐？
我覺得好似大人咁瞓，不過每個人體質唔同，七至八個鐘
要返學每日大約瞓7個鐘，放假狂瞓，補番平時瞓唔夠
6個鐘。我瞓佢哋都未瞓。
6-7小時，瞓得太少唔夠精神學習喎
6-7個鐘，間中會少啲但不能經常。
呢個年紀燃燒青春自己唔覺辛苦架，捱壞咗就手尾長。
十點前訓最好，訓得多高得快
其他人唔知 我屋企果個 九點幾上床
最遲十點一定訓著 第二日六點幾起身
我仔訓一兩個鐘
放假十幾個鐘
訓一兩個鐘？打機？
我個中一, 夜晚九點幾,十點前一定訓,朝早六點起身
係呀…。為打機真係咩都得
以前讀U，好多人都係咁，甚至唔刷牙唔沖涼，但真係要節制下。
我大仔中4，12點訓，6點起。。。。。。。。
佢由bb開始已經唔鍾意訓果類
好在佢夜訓都係為溫習之類既正經野
我細仔1樣
點樣可以咁標準？
點做到？
我哋住外國，小朋友每晚 10 點前瞓，每朝 7 點半起身，瞓 9.5 個鐘
習慣. 家訓~ 
我2個細, 由細時 必定係20:30 一定要上床, 唔理你訓唔訓, 總之要響床上, 通常佢地都碌下就訓~ 起身就自然醒 / 返學時間醒啦~ 不過佢地一向都7點前點都醒晒~ 我地一家都好習慣早睡早起…
到p.4 開始, 就9點至9點半左右. 起身就一樣啦~
到中學 F.1 touch wood 我仲管到~ 我都要佢地9點半
不過F2 開始 (以我大仔黎講) 佢真係開始反抗, 所以我都無再管, 我只係9唔9裝下佢做緊咩, 見佢真係溫緊書, 做緊正經野我都無再理佢.
重點重點, 當佢地有手提電話, IPAD, 電腦開始 (大約係小4 開始佢地就呢D 野)
我係要佢地每晚9點至9點半期間, 熄晒機放入去我房, 第2日放學做好晒功課溫晒書先可以拎.
手提電話有帶返學, 但返到黎屋企, 必須要交出黎, 直接做好晒d 野先.
由細到大都早訓
朝早六點起身其實九點都攰
攰就訓
另外(重點)我地限制佢用電話 夜晚八點後無得用
過左八點後佢開始無聊 玩一陣或睇下書就會話想訓覺
而打機我地都係限制左時間,打完機又無電話用 …就去訓