現時同男友搬了出去住， 佢一d 都唔介意同我家人相處， 又主動邀請我家人上新居。
另一方面， 我男友家人一直不喜歡我，相處不好， 我男友亦知道問題， 但我男友一直要我與他家人相處，就算他家人不喜歡我， 我男友都要帶埋我上他家中食飯， 仲表示之後我上他家中so so , 他家人對我的不喜歡， 令我相處上都不開心。
現時他沒有和我再進一步， 我唔明白男友想法， 為甚麼要這樣做，一定要我同他家人相處？
如果我男友不計劃同我結婚， 我又是否要同他家人建立關係?我又應該如何做好？
男朋友家人點解唔鐘意你？係客觀原因定主觀？
如果有結婚打算，屋企人唔鍾意係一個難題，無人想結左婚之後要選邊站。
但如果係無想進一步既話，唔相處都ok, 不過人人唔一樣，如果佢好重視屋企人，當然會想你哋close。
3個讚
老老實實你BF要唔要靠屋企? 如果一路都相處唔到, 都幾難諗再進一步喎
3個讚
男方屋企人唔鐘意你 好難搞
如果結左婚 問題只會更多更麻煩
樓主係好想同男友進一步既 要好好唸清楚
男友睇黎好重視家人 自然想你同佢屋企人關係好
2個讚
啲男人好蠢㗎，佢哋認為女朋友/老婆和男家關係唔好，所以要比多啲機會雙方見面，相處多啲就會關係變好。
現實係，關係唔好嘅人，越見越得多，只會關係更差。
但啲男人嘅“解決方法“，就係要雙方見多啲，直到有一日關係破裂，男人就會開始怪罪女朋友/老婆。
6個讚
男家唔鍾意女朋友的話好多時D問題都唔係見多幾次就解決到: EG. 覺得女方學歷唔夠, 高矮肥瘦樣貌, 年紀太大太細, 家境, 有無結過婚… 通常都係因為呢D而唔係女方性格/溝通問題
4個讚
減少接觸係最好方法
1個讚
好多人覺得自己同對方屋企人相處到，就覺得人地都一樣得，但根本冇得咁想推算，大家性格唔同
究竟佢係咪因為你同佢屋企人既關係，而猶豫結婚?
如果佢本身就唔諗住結婚，你根本唔洗晒時間應酬佢屋企人
可以溝通多啲搞清楚先
睇清楚佢夾係兩邊中間既取態係點，唔好為結婚而結婚。
2個讚
認同， 我99就係因為覺得我細老公太多而唔鐘意我
拍拖時成日話搵啲工友介紹啲同老公差唔多年紀嘅女仔俾老公
而且係無論做乜氹佢，反應都黑口黑面俾面色同講啲難聽說話
連帶我姑仔都係咁黑人憎， 都係因為我年紀細過佢而當我透明
2個讚
Yes 我老公細佬前女友係大陸人，我99不停講女方呢樣幾唔好個樣差，其實根本就係唔想個仔娶大陸人。
2個讚
所以主觀問題真係難搞啲。但都要睇雙方係咪有意改善關係。
我都見過有人好想改善關係，專登做好多事去令人改觀，例如，送禮物，放下身段表示誠意。睇吓對方對你幾重要啦。
1個讚
男友係咪諗住你同佢家人相處到先再諗進一步？
1個讚
咪係
其實個男人先可以做到中間人
manage 兩邊既expectation
你男友好重視屋企人。
一，佢好希望你哋關係可以改善，又以為見多啲就做到，或者
二，佢覺得唔鍾意都要見，係禮貌和尊重嚟。
但既然你唔舒服，試下申請見少啲佢屋企人啦。唔係完全唔見，見少啲姐。講道理話，咁樣大家關係反而好啲，佢都唔想大家見面見到反曬台架？
我就試過應老公要求，每個星期都見，最後反台收場。老公後嚟話，你唔想見早啲出聲，可以見疏啲架嘛。
1個讚
其實我男友是否想下一步，先要我同佢家人妳好好相處？ 我每次問， 佢都轉移話題
佢唔答代表 “唔係”，其實佢已經比咗答案你，只係唔想講到出口。
樓主，你唔駛分析咁多，好多時候，男人根本係咩都無諗。佢可能只係唔想諗拍拖要去邊 / 覺得出街食飯要駛錢，所以就帶埋你去男家聚會，唔使煩而已。
3個讚
照直同男朋友講你嘅睇法。
你唔好諗佢係咪想有下一步住，我覺得而家你地雙方都未溝通得好，就算結左婚又真係好？
要睇你男朋友同屋企人有幾close 。
我識好多同屋企人關係好既唔會接受到屋企人唔鍾意女朋友。
將心比心，如果我媽係唔鐘意我男朋友既，同男朋友都會成日嘈交，好難去下一步。
1個讚
如果咩都無諗， 唔見就一了百了， 我真係唔明點解要上去食飯， 點搞要搞咁多野。 依家自己出去住， 又唔係無地方去， 無飯食可以食外賣， 諗來諗去都唔明。
對你黎講唔見係一了百了，但對你男朋友黎講，手掌又係肉，手背又係肉，如果佢自己返屋企食飯你唔去，佢阿媽唔鍾意你，一定有好多說話聽。
磨心的確係難做，時間一長就好麻煩，會變成一講就嘈。