可以點算？
細至蟻仔，大至蜘蛛仔
日日尖叫聲不絕
因為有小昆蟲喺廁所，佢可以忍住唔去
食飯時飯廳有，佢連飯都唔食
我地有教佢共存，大自然本身就係昆蟲的家
但佢實在太驚，完全沒有辦法
你本身驚唔驚
過一段時間就會接受，我嗰個都係，由叫到飛起到而家自己滅蟲。
小朋友幾大？搵A bug’s Life比佢睇下，都幾好睇
唔夠了解所以害怕
上 YouTube 搵多啲片講啲人養昆蟲，睇睇下就會潛移默化唔驚
我宜家唯一驚就係小強，其他都克服左，蛇都唔驚，仲會有時玩(殘) 昆蟲 
外國啲昆蟲係咪同香港唔同？大隻啲？
我聽我老公講加拿大啲草蚊都勁大隻。
不過我就唔太驚昆蟲，我細個會捉隻螞蟻用佢啲鉗仔咬自己隻手指，皮膚。
我係大人，我本身都勁驚昆蟲，無得解，由細到大都驚，我諗即係好似有人驚橙呀，驚香蕉呀咁。
你唯有幫佢捉咗佢
幾多歲?
我發覺我越見到昆蟲大叫就會越攪到小朋友好驚
小飛飛之類 我好淡定攞個電蚊拍然後kill左佢之後話比小朋友知好小事之嘛
唯有你幫佢解決左先比佢去廁所
之後其實見到多 我小朋友都癈事理
我小朋友而家只會話, 有蜘蛛絲係佢架滑板車度,又要自己攞掃把了佢先有得玩
1個讚
我自己好怕曱甴，以前一見到就亂叫同避開，點知當年3歲人仔覺得我好無用，連街頭的曱甴都想對付。所以都要睇細路的性格，有d你驚佢仲驚，有d你驚佢先特登唔驚！
由睇卡通可愛嘅昆蟲書開始，字多畫少/或者繪畫係不像真。
當了解咗昆蟲嘅起居飲食同工作，
可能又會好少少。
當接受到昆蟲呢樣生物嘅概念後，
向可愛毛公仔或者可愛版嘅膠公仔進發，
之後去睇片，
最後先係離遠望下小昆蟲。
一步一步嚟，大下又會好少少
1個讚
但英國係好多好多昆蟲，比香港常見好多，尤其夏天，成堆飛蟻、烏蠅好似海邊海鷗咁多飛來飛去，蜘蛛轉個彎一隻。我試過一個下午足不出戶同一面牆就捉到 20 隻 
(全部玩到半條蟲命 )，
同壁虎日日都有，冇可能捉曬！
由得佢嗌，嗌得多佢比同事笑就知道肉酸
如果小昆蟲係屋企裡面，我會消滅佢
同佢講，佢唔搞你你唔使理佢，慢慢會習慣
我早前屋企捉左隻花哈沙蛛，佢跳嗰刻真係有驚到，好彩捉到 亦都係我第一次發現原來蜘蛛唔一定織網。
屋企有螞蟻但佢唔食螞蟻，體型亦太細，細過尾指指甲，出街都難搵佢餐飯。咁啱屋企每個禮拜都捉到蚊仔/潮濕蟲。捉到啲蟲之後雪幾分鐘等佢地活動能力慢啲。真係可以睇到隻蜘蛛有反應，跳近獵物，然後一嘢用鋏夾住，然後慢慢食。
養左佢兩個幾月，最後屋企冇曬蟲仔捉，所以放走佢。
可惜太細隻屋企又冇靚相機，影唔到靚相，但 8 隻眼仔黑色好靚，後半身同腳都有花紋。佢會吐絲，絲亦有黏性，但唔係網，似一個撲滿塵埃嘅角落。
咁樣形容會覺得我好變態痴線，捉蜘蛛然後捉埋禮物畀佢，但的確我依家對蜘蛛冇咁怕。覺得都幾靚幾得意。
3個讚
同我老公一樣
我屋企都養咗隻阿蛛，住咗兩個月，前排仲有烏蠅時我老公捉咗隻比佢，不過食完幾日後佢搬走咗
小朋友6歲
本身係高敏感兒童，所以好少事就會放到好大
佢的表情話我知唔係扮的，係堅驚的
所以我無辦法唔理佢
同佢講唔使理小昆蟲，但佢做唔到呀，驚到死攬住我
但我又唔想下下都郁啲就殺小昆蟲（害蟲除外啦）
因為動物都有生命，佢要學識尊重生命
我本身對小昆蟲無咩感覺的，見到唔會尖叫
有時佢叫我捉，但我連隻小昆蟲喺邊都睇唔到
老實講，真係幾大隻
佢最勁的係成人手掌咁大的蚊類物體
腳好長，仲要識飛
烏蠅都大隻好多，有啲係大蜜蜂 size 
香港嗰啲都營養不良
English saying “If you can’t beat them, join them”，同創傷後遺症啲刺激性治療一樣，exposure 大到傻左就唔會再嚇親。