大家好，最近想試下轉行。有份工係經驗不拘，見工作內容正常所以send 去試下，之後打黎叫我去做zoom interview，但打黎係一個手機no，唔知係咪有公司咁做，所以我冇咩為意。
interview有個部門主任加一個admin同事見我，但兩個冇開鏡頭，一黎介紹佢地公司係點工作做咩，但聽聽下發現同佢job adv 公司簡介唔同，追問落去話放錯咗母公司，而佢地係子公司。
之後叫我講下自己，唔一定講工作上既野，我覺得雖然我冇相關經驗但講見工唔講工作野係講咩？所以我keep 住講之前工作，但就愈講愈發現佢地好似冇睇過我份cv同申請表，因為佢地連我通知期係點都唔知
之後就係講講下突然個Zoom 主持人斷咗線，最後打電話返黎繼續傾，最後跟手問咗我係咪真係有興趣做。而佢job adv 要求好好中英文能力，但佢地一句英文冇問過，佢地又話如果ok 就直接返工，冇2nd In，但我連佢office 係點未知。。。
所以想問下大家點睇？我有好幾年冇轉過工，所以唔知第二行見工或依加見工係點？
有冇公司名，去LinkedIn check下間公司？
佢有冇比地址或者email你？
感覺間公司比較奇怪. 可能好大turn over, 咩人都in, 咩人都叫做.
係LinkedIn 揾唔到，Email 下款只有admin 同事名同公司名之後冇了，上網search 好似冇咩呢間公司既資訊
係呀，直覺係覺得有點奇怪
但我有好幾年冇見工，所以唔知依加見工係點
工作內容唔岩就唔好諗
如果岩就問詳細，拎多D公司資料先再考慮
Um…咁又係如果佢再聯絡我，再同佢傾下摸下佢底先，此終揾工都係一場賭博
咁都可以錯？會唔會返到工又話攪錯咗，返嗰份同in嗰時又唔同。
就咁睇好似伏伏地，安全至上，真係好難去做喎…
你要辭工先可以返工喎，冇成本就話試吓，既然怪怪地就唔好博
睇左開頭幾句
其實我唔會考慮，正正常常點會咁樣
其實又唔出奇，試過公司請人，但嗰排太忙完全無時間睇applicant CV, 直到HR call 去interview 嗰刻先睇
，不過因為請Junior position, 請到個正常人已經足夠，要知其實要揾啱價既正常人都唔易
Domain 呢？
係呀，都唔知係個admin 同事大意定點，如果佢真係請我，我再聽下講咩先，個心此終覺得唔太舒服
上網打佢公司名，冇官網彈岀，係job adv 公司介紹個網站唔係寫個個公司名
公司名都無，agent介紹可以，自己搵既就唔制喇
In 你時先睇CV唔出奇，但點會連個ad都出錯，連自己想請咩人都錯得?
無開鏡頭又係怪，in幾次都係大家開晒鏡頭
係呀，人又冇見過係咩樣，office 又冇上過去就叫人直接返工。。。聽完大家建議，我都覺得佢之後打黎岀offer 我都唔去啦，廢事浪費時間