「暫緩追租」保護期7月底屆滿後，早前有商戶因無力償還租金而倒閉。本身是連鎖時裝店老闆的實政圓桌立法會議員田北辰今日形容，措施對商戶有一定的保護作用，但承認有一批商戶在今輪追租潮中會捱不住，預料11月底將出現另一批商戶倒閉。
田北辰在電台節目形容，「暫緩追租」對商戶有一定的保護作用，又透露商戶面對的情況主要分為3種：
- 第一種是疫情重災時難捱，但「暫緩追租」5月至7月保護期間，在消費券幫助下生意改善，8月可以一次過交回欠租。
- 第二種是2月至4月的虧損「太傷」，即使5月至7月生意改善後，8月面對業主追討租金時，要麼被業主沒收按金，要麼與業主談判後，願意提供租金折扣，「我們公司就屬於呢一類」。
- 第三種是最淒慘的情況，2月至4月交不到租，即使社交距離措施放寬後，5月至7月一樣入不敷支，「暫緩追租」保護期結束後，被業主一次過追租，最後按金被沒收之餘，店舖要結業，甚至要破產，是「雙輸」情況，估計近日聽到的結業現象，相信就是指這種情況。
田北辰預計：「（情況最差的商戶）跟業主『講數』，不成功就『死拖』，估計可以拖到大約11月底，我們就會見到有一班商戶倒閉。」
他指，情況最差的商戶，若本身生意已經不太好，面對疫情高峰期一定捱不住，「不過相信這類並非大多數，大部份都在5至7月生意有改善，都捱得到落去，我公司都是這樣。」
他認為，財政司司長陳茂波在「暫緩追租」上，已經盡了能力，形容措施對商界有幫助，協助渡過最困難時期。他坦言： 「最大得益迫業主『講數』，如果沒有（『暫緩追租』），他根本不會你」。
source: hket.com
好似係政府自己攪出嚟，攪咩暫緩租金，用下腦都諗到，暫緩唔代表唔駛交，每個月都搵唔到一個月租金，點解政府班白痴會覺得之後一個月可以搵返4個月租返嚟？？
7個讚
咪囉, 班業主多謝正苦啦, 按金都係得2個月, 分分鐘收返個舖都係要蝕, 你一係減租留住個垂死嘅租客, 一係收返個舖但唔知丟空幾耐
1個讚
正常應該每個都交租嘅，波叔叫業主三個月唔好追租，
賴皮嘅租客唔交三個月，到咗第四個月就一次過交晒之前欠落 加 本月嘅租金，一共4個月嘅租金。
得罪講句，有無諗過係部分行業太依賴某國旅客，質素又差，結果先執笠…
行一轉港島商業區，放飯時間其實間間餐廳都排長龍咁滯，兩餸飯直頭賺到笑，行超市 Aeon 特價日繼續大排長龍，賣日用品嘅例如日本城都唔見得會執笠
公司營運成本上升其實全世界都面對緊（美國加息、供應鏈未回復正常），自己唔識做生意自然有問題，例如喺尖沙咀旺角一大堆又態度差又難食嘅茶記，又或者藍到無人幫襯嘅富臨、稻香，又或者得某國人幫襯、後生仔又唔去嘅金舖，就唔該真係執咗佢算…
6個讚
自由行藥房（龍豐），轉做香港人生意人，係中環皇后大道開咗，
其實好多年前已講緊太倚賴就會咁, 有咁耐風流就有咁耐折…磨
4個讚
嗰個位風水唔好, 之前幾任租客都係兩三年貨仔就走人 
之前二百幾萬租金，點搵到錢交租，咩風水師傅都幫佢唔到，
今次八十萬租金，做藥房，我都唔睇好。
最慘成個香港都係以為自由行係永遠…
其實去到2017-2018…大陸遊客已經縮左水好多…
2個讚
我寧可香港試唔同產業，慢慢上升好過靠自由行旅客，好被動，一鑊熟
3個讚
無錯… 呢個時候係將香港 reset 一次… 沙士之後就一直依賴
自由行, 係係好多人黎買嘢, 樓價被推高, 金舖藥房開到成行成事,
成個環境都唔健康…
2個讚
（龍城 ）就係得 加連威老道 一間 係真嘅，我幫襯佢四十幾年，
其他龍城全部都係假。
2個讚
攬炒