Delete post
你就霸氣講一句：
我又唔洗問你借錢，
我中意唔做係屋企湊bb,
你係咪唔抵得丫，
你有錢你都可以唔做架。
1個讚
我冇諗過有啲男人老狗都咁諗，話佢邊個邊個朋友，工人都係1 個湊2 個，然後兩公婆番工，暗示我唔識manage。我只係感到意外原來朋友一聽到我退出職場，大部份都咁既反應而唔係支持。錢係可以搵，我亦知將來入番職場會好難，但小朋友大左，時間過左就係過左，點追？
突然覺得所謂朋友都唔係真正嘅朋友
1個讚
你咁搞笑嘅，
你都知你冇講，對方咁反應好正常。
做你朋友就真係救命。
10個讚
我唔認為樣樣需要講錢啫，做 FTM 兩夫婦當然已經計好數先決定，做朋友表示支持已經足夠
咁佢地唔知你財力咁厚，咪根據自身經驗或諗法叫你三思囉
唔通唔知你咩情況，就話好呀好呀做ftm最好，咁就叫好朋友咩
利申：我有朋做完ftm發覺唔夠洗想出返黎做野，可惜搵唔返之前份糧。問佢有無後悔，佢話都有啲。所以…唔係個個好似你身家咁有架嘛！
13個讚
佢以為你老公養你 
不過唔熟嘅，唔需要解釋太多。
Ftm 好、working mum 好，肯用心付出就係好媽媽，無話邊邊正常。
10個讚
都熟既，但冇透露過家庭資產俾人聽，朋友各自際遇都唔同，唔想因為錢影響感情
working mum manage 得好過ftm都唔出奇，有d人就係越忙越表現好。
但呢d野又唔使同人比同同人交代既，冷暖自知。建議樓主識another group of friend, 以前既朋友對你既一切未必有共鳴，然後又對對方處境有bias, 其實對2方面都唔太好。
4個讚
大家自細認識，能力本來差不多，但感覺結婚後選擇既伴侶唔同，令到距離愈黎愈大，愈行愈遠。
而家我都係同其他FTM friend 少少，感覺處境大家差不多
1個讚
我有兩三個FTM 朋友，都好佩服，另一方面都羨慕的經濟上支持到，當然很好，有呀媽陪
你有2個咁細既小朋友，到佢地返學就會識到好多志同道合既人。人地未必都係ftm, 但至少係育兒路上睇法相似就已經可以support 一下。
到時候，睇返呢家朋友既反應就會覺得好笑。漸行漸遠係真的，因為呢個階段大家不相為謀，但唔代表下個階段唔會志同道合。
所以講唔埋就講少d, 岩傾就傾多d lor.
4個讚
有啲人真係好奇怪，我陀緊第二個果陣不停講點解有一個仲要生，冇哂自己時間，又辛苦…… 我一直忍耐，到最後我先講「其實都好正路呀，所以你決定生一個，我決定兩個囉」 ，到而家我做 ftm, 又話我唔搵多啲錢…… 
1個讚
咁睇，FTM做得幾叻都好，外人睇唔到。日日餵山珍海味定餵樹皮比個仔外人根本唔知。你付出幾多，得你自己先知，點解要外人認同?
7個讚
咁人地唔知你咁疊水，提下你又正常喎，女人無錢旁身靠老公好慘架嘛，同埋，你有呢d background對方都唔知，你都唔係同佢地好交心啫…
8個讚
你send 返呢條link 比你啲朋友咪得囉
5個讚
睇字我覺得你本身都唔係好鐘意你朋友，如果真係friend既會覺得係善意既提醒。
我自己轉做ftm前都有好朋友提過架，事實真係錢同安全感會大減。只不過做ftm會多左同小朋友相處既時間，不能用金錢量化。相信正常朋友係會明。
10個讚
第一句都係事實，咁真係唔駛做嘛
第二句都係正常邏輯判斷，咁base on第一句假設全職媽媽當然需要丈夫support，你最多話佢用個「養」字唔好聽啫，但基本上父母都係「養」緊小朋友。
第三句都係基於關心，要為將來經濟著想，搵多個錢傍身係好合理。
咁你又冇同朋友講你哋嘅財政狀況，有呢3句都冇咩嘢，我都成日聽，係咪真心朋友就睇語氣，我又明睇落好令人羨慕嘅，如果朋友唔熟嘅咪講句「係呀我先生好努力做嘢呀」，好熟嘅通常都知自己咩環境，都係出於關心，我冇多心。
4個讚
喂哂命po來喎，你Ｄ朋友點知你已經財自啫
你唔使樣樣講錢係因為你有錢，如果你老公揾2萬有萬五去左交租睇你講唔講呀那
13個讚