近排朝朝早準時八點就廁所天花滲水，好似落大雨咁滴落來。管理處睇過話應該係樓上倒水，滲左落來。
我諗住上去同佢傾傾，明明屋內有聲有人，就係唔肯開門，連門鐘個電都特登ＣＵＴ埋，佢應該知自己咩事。
而管理處話佢冇權同樓上個人傾，因為樓上個住客係大業主個高層員工（外派員工，一個人住），大業主就係某大集團，所以管理處唔夠膽搵佢地，真係荒謬！
依家唯有報左滲水辨先，再等管理處報畀某大集團個秘書知，真係有排搞。
利申：四十年舊區舊樓
有家居保就報保險公司，保險公司出手，佢幾大都無用
4個讚
搵公証行，之後再搵律師告佢，唔到佢唔賠
2個讚
原來都包呢d㗎，咁2個單位中間既渠口塞左包唔包？
家居保會包，未知邊個負責，係樓上業主定法團，但一經保險公司，所有嘢都會由保險公司負責追討
2個讚
個保險AGENT 岩岩CALL左我，叫我填左ＦＯＲＭ上報左保險公司先，佢地會幫手。不過如果係樓上唔合作的case，照佢經驗要搞兩年。
可以報食環 請佢地介入
https://www.fehd.gov.hk/tc_chi/faq/pleasant_environment/water_seepage_dripping/faq_wseepage.html
1個讚
可以找滲水辦，幫你試一試滲水來源 及出信。
2個讚
條渠係公用or私用？
算公？因為係2個單位各一條喉有個出口，之後再出大喉，最後都整左2千幾蚊，純好奇問下
係那個地方漏水？
要睇返張契，同埋邊個位漏水，不過有D特別情況係唔包
管理處都幾卸膊喎 ! 個住戶點都要出入棟樓，叫管理員同佢講聲漏水，起碼叫做知會咗佢先，呢樣絕對係管理處責任。如果佢唔肯就擺明驚俾上司炒，擺明維護自己人啦 ! 你同管理處經理講就最好，話唔通知該住戶就搵東張，大下佢都好。然後照報滲水辦，滲水辦會幫你轉介屋宇署，不過唔好旨望政府部門幫到你，一般轉介到去屋宇署之後，都係卸腑不了了之，根本都唔知佢地做過乜、及有乜結果 !
可自行先搵公證行做滲水報告，之後小額錢債署入稟慢慢搞，到時公證行啲錢就一拼 Claim 返 !
1個讚
如果懷疑係污水，可以向食環署投訴
1個讚
你私人打封通知信，俾少少錢去郵局寄封知掛號信，寄俾上面住戶等佢簽收。你可用郵政 APP 追蹤雙掛號郵件，如果確實有人簽收，你就留低雙掛號郵件編號、及將郵件簽收記錄截圖儲存。他日要搞到政府部門跟進、或要上到法庭審裁時，就可列為證據，當然你最好知佢姓咩，咁佢簽收咗佐證力都大啲。但如果你連佢姓乜都唔知，咪署名【住戶 收】囉 ! 如果有人簽收咗雙掛號信，咁佢就唔可以賴唔係佢簽收，因為由該住戶簽收，都當作該住戶知悉。
1個讚
該主題在最後一個回覆創建後90天后自動關閉。不再允許新的回覆。