我應該都係呢個年代
不過我冇，我自己都冇亂買嘢架
真心，如果屋企要等我果份暑期工人工開飯就冇得好講
萬8蚊應該唔係暑期工嘛？佢屋企都係住公屋，應該父母都唔係話好有錢。
揾1萬8俾3000家用我又覺得唔係過份，有d人雖然成日話外國人唔收家用，但同時人地仔女好早自己搬出黎住。除非父母好有錢，如果唔係搞搞下變左日本個種啃老又係好大獲。
呢單嘢唯一可以針著既係事主好似得18歲，如果年紀大左又同住，$3000蚊都唔想俾，真係好離譜。
1個讚
對家庭負責，唔單單講比家用嘅
如果仔女有計劃，大家拎出嚟討論，再定一個金額就可以了
你見幾多留言係話自己以前點點點，呢啲係後生最憎聽到嘅
所以個個家庭都唔同既，有d有錢既家庭仲收緊零用tim。
只不過見文中呢個樓主話自己父母都係住公屋，我覺得應該都係經濟麻麻地，咁咪幫補下。
講以前自己點點點，係真係好老屎忽既，後生聽個下會反感，所以傾家用都要溝通得好d。
最怕成日話趕佢地出去果d
又話屋企係講愛的地方, 點知父母當佢地係同屋住…
有時真係唔知佢哋想點、搬開/移民又會話你丟低佢唔理
啱啱先知大台有套戲講獨居老人好慘
睇仔女歲數，18歲就提住就幾離譜。但如果去到40歲，想佢搬出去，我理解到。
不得不說、父母通常係知子女未有獨立能力先用黎嚇人既
到有毛有翼就好少咁講
1個讚
道德綁架
1個讚
見到d留言…似住出面租樓貴, 就騎劫仔女冇本事搬出去
但仔女心中, 可能只係覺得住屋企 “只係” 未有本事…到時一有本事就搬走, 費時對住佢地…
1個讚
其實40歲未結婚，一齊住照顧父母都冇問題架
比3萬家用, 帶埋個老婆一齊住當個父母係工人又如何
睇父母諗法，如果係我，我自己就唔想仔女到40歲仲要一齊住/帶埋老婆仔女一齊住。我偏向鐘意外國咁，獨立左就搬出去，唔洗家用，唔洗湊孫，得閑出黎食個飯咁就最好。
4個讚
香港地就好多家用（零用）又要比足，又想仔女孫圍住佢氹氹團
1個讚
我覺得咩組合都有。以前仲玩bk時，成日見到d 新抱呻要俾家用俾奶奶，但又同住又要人湊孫又多多唔滿意，隨時係老人家貼錢養佢地。
我自己唔會做吸血鬼父母，但有時睇連登間見到呻父母冇幫手俾首期etc, 講到好似老馮應份，有時會覺得都係另一種道德綁架，諗第日自己仔女大左係咪都會咁諗
1個讚
但次次比人鬧都係仔女
我諗我哋下一代無咁容易被我哋綁架、真係蝕左
2個讚
呢代父母會買定保險 （多數）
亦甩左養仔防老嘅概念，又生得少
1個讚
我附近見都係老人家自己住、真係唔覺會成家一齊、即使間屋好大…….放假都唔見成日一齊咩都要痴實
香港真係太痴纏了、我覺得老左都要有自己興趣同社交圈子先健康
2個讚
我媽家有鄰居就係2兄弟結左婚都同屋住，一間房一家人，聽鄰居呻都覺得佢慘。
我自己都好唔鐘意痴纏，自己做女個陣同屋住好易有磨擦，搬出黎海闊天空對大家都好，所以我理解唔到點解會有父母唔鐘意仔女大左搬走。
1個讚
我覺得呢代養兒防老係極極極少，有數計，其實唔生係金錢角度睇先係最抵
2個讚