又有幾多人成功可以拎返阿媽幫手儲果舊錢?
幫仔女儲錢，不如教仔女儲錢
6個讚
正路係
但原來去到呢一輩做阿媽, 都係要覺得"幫手"儲錢…
25年前阿媽有幫我買份儲蓄保，幫我儲錢。
而家我的確攞返筆錢，不過通脹下，筆錢變得好少，一個月人工左右。
1個讚
但如果佢冇幫你買, 呢舊錢會係做乜
佢地無特別諗，應該都係幫手供樓
果份係你嘅家用？
個機會率同電騙案苦主攞得返錢一樣⋯⋯⋯好微。
2個讚
呢個只係藉口，最終D錢去咗邊？
咁要睇儲幾多一個月同埋供幾耐啦
都幾似MPF丫…
不如一早講明係幫屋企就算啦
但又唔多父母會講實際財政情況比出嚟做野嘅仔女知呢…
1個讚
我女3 歲開始，幫佢儲起所有利是錢，之後佢有零用錢後，又會叫佢唔好大使、每月又儲少少。
積少成多，呢十幾年，暫時儲到緊緊到6 位港幣。
我同佢講，筆錢係佢大學畢業後先可以用，主要想佢工作頭1、2 年，唔好為錢放棄喜歡或者真正有發展嘅工作機會（怕人工低搞到節衣縮食）
19個讚
我仔仲細，佢d利是錢全部有另外儲起，佢知道嘅，佢大左就比返佢。
另外間中有比d散紙佢，佢有再儲起，間中想買玩具就用自己錢。
我哋阿媽幫我哋儲錢，同我哋幫仔女儲錢最主要嘅分別係：
我哋阿媽係叫仔女俾多份錢，佢幫我哋儲， 我攞得返嘅話，只不過係攞返自己預先支出咗嘅錢；而我哋做阿媽，係自己攞多份錢出嚟幫仔女儲，仔女第二時攞到就當紅利，攞唔到就冇咩問題。
1個讚
撇除幫未成年仔女儲錢, 如果係幫出左黎做野仔女儲家用 (叫仔女比一半人工幫佢儲起之類), 我覺得個概念係出自控制慾, 同埋唔信仔女有能力處理金錢。又或者覺得自己嗰套啱哂, 所以幫仔女儲起啲錢投資係最好既 
5個讚
我對囝囡
由出世個刻收到既錢 我已經幫佢儲起佢
現在有12手 939股票 加十萬金器左右
佢已經2歲人仔啦
我成日話 如果將來佢無比家用
現在儲既 就係代替佢既家用錢
4個讚
正常應該拎唔到，阿媽會話用哂去供書買嘢。
我有幫小朋友買份儲蓄保險，到佢大個仔18歲一定會俾返錢佢。
2個讚
我將佢地呢幾年嘅錢買哂基金，另外再幫佢地做份儲蓄，年年派錢
上一代的確好多父母係咁
話就話幫你儲利是錢大個俾番你
但係有d 根本係呃仔女自己拎左去用
大個左就話用黎交左你d 學費呀書簿費呀早就用晒啦
邊有錢剩呀
嘩好犀利~~~
兩歲已有被動收入!!!