20w 私家發現bb心室有少於2mm 心漏，私家轉介去屯醫，21w 再照屯醫話細到好難睇到 但係見到有既，睇左幾個醫生都話風險吾大，會自己合埋或者出世都會合埋（當然都有可能會擴大），仲考慮緊應吾應該抽胎水清楚d, 吾知會吾會基因問題導致咁，但胎水風險0.5%小產或早產會直到生。
有無媽媽有經驗分享
睇左幾個醫生都話風險唔大係咪可以放心?
我無經驗分享但我妹都有心漏症, 當年未有得照結構, 全部人都唔知, 直至5歲左右就發現佢做運動好喘氣, 游完水個咀變成紫色, 之後去CHECK時先發現, 不過做左手術就好返晒, 係背脊就留低好大條蜈蚣
我小朋友照結構時冇問題，但出世後3日check到有心漏VSD 4mm大，BB係威院出世，之後都係威院覆診，一開始2-3星期覆診，半歲之後2-3個月覆診，1歲後就一年覆一次診，冇其他心臟問題，無食藥無手術，只係定期檢查。BB時生長線25 正常，啱啱出世頭半年餵奶辛苦D，少食多餐，BB容易攰，到而家5歲都冇埋口，醫生估計埋口機會低，一般2-3歲會埋口。小朋友而家跑得跳得好健康。
我估如果只係一個窿，未必需要抽羊水再check。另外，可以問下醫生係vsd or asd 同有冇其他心瓣問題，一般5mm以下唔建議手術，或者轉去瑪利醫院，最好嘅兒科心臟科好似係個邊。
唔好太擔心，祝BB平安出世，快樂成長。
我20週喺私家林勇行醫生度照結構照到好細心漏，1.xx mm，另外仲有另一樣心血管問題。林醫生話同時出現兩個問題ge情況，叫我重新考慮抽唔抽羊水（本身頸皮同nifty都無問題），轉介我番QE睇。QE 21週再幫我照，話見唔到有心漏，所以我地最後決定唔抽羊水，唔想冒險。後來28週左右番QE再照多次，都話無見到心漏，唔洗再follow up，等出世先再由兒科醫生檢查。
你一週已經心漏埋口 好勁啊！！
我囡照結構時無發現，-但一出世檢查發現心漏，唔大不過位置唔好。醫生話只好觀察，如果大啲無合埋就做手術。好在一歲半合埋左，買保險心臟都包。
而家已經九歲，心肺功能好好，密集式運動員訓練都無問題。
有一位細叔伯，
大概廿幾年前，
五十幾歲先發現「心漏」，
醫生估計係一出世就已經有，
之前一直都無咩特別，人到中年身體檢查，先至搵到出嚟，
六十八歲先升仙。
所以樓主你唔需要太擔心，吉人自有天相。
有啊。
其實唔罕見，當時醫生話我知仔有心漏都好擔心，之後我有同事話佢都有，但無自己生埋就要手術，依家醫學好過以前咁多，更加唔使擔心。
我仔就返健康院keep check到兩歲就自己生埋左，唔使做手術。對身體同運動都無影響。
佢就快上中學，成日跑跑跳跳，就算未埋前都唔使特別照顧，同普通人一樣。
1個讚
多謝大家分享，而家25wk 上星期產檢都仲見到有心漏 但知道bb 會努力！！
2個讚