30歲人, 小朋友今年K1
想報菲臘個Dental Hygiene讀,要讀2年full time(每年7萬學費)
10幾年前讀過菲臘DSA助護,
但因屋企人同年開店, 畢業後就一直係店到工作,
變相無接觸DSA工作經驗
之後仲結婚生仔, 而家小朋友返學,時間較穩定
有d想再讀返…
讀完出黎起薪點可能只係20k up,
自己無乜學歷, 淨係讀過DSA,
諗住讀多項技能,叫多個選擇同人工高dd
不過小朋友比較痴我,
好怕學業同家庭兼顧唔到…
1個讚
上到小學仲無時間讀，要跟細路嘅嘢仲多，襯後生，而家係合適時間，讀左先，
讀，唔會後悔
如果唔打算生第二個住的，讀！
小朋友讀幼稚園的時間最輕鬆，可以兼顧到
到小朋友上左小學，係另一個世界
1個讚
讀。
對自己人生有幫助就應該讀。30歲，仲好後生。
2個讚
如果老公肯支持同配合
我都贊成讀
襯後生讀，我都後悔當初冇讀上去，打算休息1年再讀，點知跟住結婚生小朋友
支持你讀
我以前都想讀書，但覺得小朋友太細，屋企好多嘢忙，個個話小朋友大咗會好啲，就諗住過幾年再算
結果小朋友上小學，係冇咁痴身，但要跟嘅比以前更多
如果安排到點照顧小朋友，老公又支持的話，就去馬啦～
讀啦～～～起碼讀完自己大個咗唔會後悔
讀，我以前都讀過好多不同範疇嘅嘢，讀完都一樣因為家庭等等各種因素無做到相關工作，但係又真係無後悔喎，學左嘅嘢係自己嘅。
由頭到尾得我99一個講足咁多年，背後話我嘥錢嘥時間嘥鬼氣
唔好理工作問題，讀書同學習本身係有意義嘅事，為學問，為眼界，訓練耐性，勒力，時間管理，扺抗引誘
唔一定為搵工作搵錢
最緊要問自己係咪想讀，有心讀，先撇開將來搵錢，唔想讀嘅分分鐘畢唔到業
30歲仲好後生，大把人30歲先轉field, 老土都要講句“有志者事竟成”
你咁後生, 想讀就讀啦… 唔好諗太多, 船到橋頭自然直… 有決心, 有咩困難都會解決到…
如果有心係這方面發展，鼓勵你讀，30歲好後生。
你都識講係起薪點，又不是ceiling, 根本不用理會。
兩年時間好快過。
好多人都係30後先轉行/事業起步,一啲都唔遲
聽過有個故事,一個90歲嘅婆婆,講起自己嘅憾事,就係60歲時想學小提琴,但覺得自己太老,所以冇學
如果當年有學,就會有30年時間練習了
千里之行,始於足下
讀! 再遲D就會後悔自己唔早D開始再進修
讀書/進修永遠冇話遲
ps: 過來人, 31歲再讀書, 轉行