我從來無試過試用期內辭職，但返左新工兩星期收到另一心儀公司offer，係我1st choice，決定去做。我應該點同現公司講？是否直接話有另一份工？
現在份工都in 左幾輪先請，加上同心儀的公司會有業務來往，希望辭得”好好睇睇“。
我會照直講囉… “心儀的公司會有業務來往” 如果講大話, 第時撞到又要兜…
4個讚
實在好可惜，新公司都幾好，覺得有d 內疚，我這想法是否太傻仔？
都唔係嘅, 好嚟好去, 你話兩份工同時搵, 你地快手比OFFER D, 但而家果間都比OFFER我, 我覺得果邊適合D (你比個原因啦, EG 近家/5 DAY WEEK之類)
3個讚
點講都差不多，都係會麻煩到現在公司and同事… 我諗如果係我，未必會講太多，如現時公司知道左，gossip俾新offer嗰間公司知，影響形象。最多到時有接觸先算…
1個讚
係，我諗住就錦話有另一份工算。反正兩間公司有合作，好快就會知。不過好在就唔係直接對住現在部門。
唔需要有感情只係一份工
1個讚
坦白講出嚟得啦，呢個情況好普遍
未on board 就reject 試過，今次真係第一次。仲要之前過了3轉面試傾了好耐。真係樣衰。
唔好諗住樣衰, 諗自己前途會好d, 如果另一間合適就要轉, 唔好令自己後悔。
都係樣衰一下啫，你表示歉意人哋會feel 到嘅
I’d say
“喺呢度做得好開心，亦都覺得自己 fit in 到同幫到手
遇到你呢個上司，我好感恩。
但舊老闆 / client 搵我 join 佢 team，之前欠對方一個人情。
呢行好窄，大家有緣可能會再見面。就算去到新公司，我都會同佢哋講我曾經喺呢度做過，呢間公司嘅上司同事有幾咁好。”
重點係唔好好似樓上咁照直講或者照直比較人哋係你嘅first choice
人哋邊度邊度好啲
同埋最緊要俾個合理嘅原因等你上司好輕鬆同人事部交代點解你咁快走。
1個讚